Գերմանիայում բուժվող հայ հիվանդի համար ցողունային բջիջներ նվիրաբերեց հարազատ եղբայրը
17:10 19 սեպտեմբերի, 2022Ոսկրածուծի դոնորների հայկական ռեեստրում այսօր իրականացվեց ցողունային բջիջների 39-րդ հավաքագրումը:
Գերմանիայում բուժվող հայ հիվանդին անհրաժեշտ է ցողունային բջիջների փոխպատվաստում համատեղելի դոնորից։ Բարեբախտաբար պարզվեց, որ հիվանդի հարազատ եղբայրը՝ Արսենը համատեղելի դոնոր է։
Արսենն անցավ բջիջների հավաքագրմանը նախորդող ամբողջ նախապատրաստական փուլը և, այսօր, կրտսեր եղբորը նվիրաբերեց իր դոնորական ցողունային բջիջները։ Բջիջները ժամեր անց լիցենզավորված միջազգային փոխադրողի ուղեկցությամբ կլինեն Գերմանիայում, որտեղ կիրականացվի փոխպատվաստումը։
