Առցանց յոգայի ծրագրերը կարող են կարճաժամկետ հեռանկարում բարելավել ծնկահոդի աշխատանքը

Ծնկահոդի օստեոարթրիտ ունեցող մեծահասակների ուսումնասիրությունը ցույց է տվել, որ 12-շաբաթյա առցանց յոգայի ծրագիրը բարելավել է ծնկի ֆունկցիան հետազոտության մասնակիցների մոտ: Այնուամենայնիվ, ծրագիրը չի հանգեցրել քայլելիս ծնկի ցավի զգալի բարելավման: Հետազոտության արդյունքները հրապարակվել են Annals of Internal Medicine ամսագրում:

Ծնկահոդի օստեոարթրիտը ցավի եւ հաշմանդամության հիմնական պատճառներից մեկն է: Վարժությունները կարող են բարելավել ծնկահոդի օստեոարթրիտ ունեցող մարդկանց մոտ ցավը, բարելավել կյանքի որակը։ 

Մելբուռնի համալսարանի գիտնականները ծնկահոդի օստեոարթրիտով 212 մեծահասակների ուղարկել են 12-շաբաթյա չվերահսկվող առցանց յոգայի ծրագրի։ 

Հեղինակների խոսքով, իրենց բացահայտումները հուշում են, որ առցանց առանց հսկողության յոգայի ծրագիրն իրագործելի է եւ բարելավում է ֆիզիկական գործառույթը 12 շաբաթվա ընթացքում: