Գիտնականները պարզել են, թե ինչպես է ջերմային սթրեսն ազդում երիկամների աշխատանքի վրա

Երիկամների ծանր վնասվածքը, որը սահմանվում է որպես գլոմերուլային ֆիլտրացիայի արագության կտրուկ նվազում (GFR), ջերմային ալիքների ժամանակ հոսպիտալացման հիմնական պատճառներից մեկն է: Նոր ուսումնասիրությունը, որը հրապարակվել է American Journal of Physiology-Regulatory, Integrative and Comparative Physiology-ում, պարզաբանում է, թե ինչպես է ջերմային սթրեսն ազդում երիկամների աշխատանքի վրա:

Սույն հետազոտության արդյունքները հաստատում են, որ գլոմերուլային ֆիլտրացիայի արագության ռեզերվն օգտագործվում է այն պահպանելու համար երիտասարդ առողջ մարդկանց մոտ մեղմ պասիվ ջերմային սթրեսի ժամանակ:

Այս հետազոտության ընթացքում 16 առողջ մեծահասակները թեստի երկու տարբերակ են անցել՝ մեկը նորմալ ջերմային պայմաններում, մյուսը՝ թեթեւ ջերմային սթրեսի պայմաններում:

Մասնակիցներին կոկտեյլ են տվել շիճուկային պրոտեինով եւ հետեւել նրանց երկուսուկես ժամԼ

Հետազոտական ​​թիմը պարզել է, որ կրեատինինի մակարդակը բարձրացել է կոկտեյլը խմելուց հետո նորմալ ջերմաստիճանի թեստի ժամանակ, բայց ոչ ջերմային սթրեսի թեստի ժամանակ: Սա ցույց է տալիս, որ մասնակիցների երիկամները չեն կարողացել բարձրացնել իրենց ֆիլտրացիայի արագությունը մեղմ ջերմային սթրեսի դեպքում նույն չափով, ինչ նորմալ ջերմաստիճանի դեպքում։  Նրանք, հավանաբար, օգտագործել են իրենց ռեզերվը, որպեսզի պահպանեն գործունեության նվազեցված աստիճանը: