Հետազոտությունները պարզել են՝ ինչու խորհուրդ չի տրվում քնելուց առաջ հեռախոսը թողնել մահճակալի կողքին
23:06 6 հոկտեմբերի, 202220 հետազոտությունների վերանայման արդյունքում պարզվել է, թե ինչու խորհուրդ չի տրվում քնելուց առաջ հեռախոսը թողնել մահճակալի կողքին։
Հետազոտության համաձայն՝ հարցվածների կեսից ավելին (48 տոկոս) գիշերը քնում է հեռախոսը մահճակալի կողքին դրված, գրում է Techlikethis-ը։
Հետազոտությունները ցույց են տվել, որ կան հստակ ապացույցներ, որ քնելուց առաջ էլեկտրոնային սարքերի օգտագործումը եւ դրանց հասանելիությունը կարող է կապված լինել քնի վատ որակի, ինչպես նաեւ ցերեկային ժամերին քնկոտության հետ։
«Սա նշանակում է, որ եթե ձեր հեռախոսը գտնվում է մահճակալի կողքին, ապա այդպիսով կմեծանա քնի անբարենպաստ արդյունքի հավանականությունը։
Սա ամենաշատը հարված է հասցնում պատանիներին։ Հետազոտողներն ուսումնասիրել են, թե ինչպես են TikTok-ի եւ Instagram-ի նման կայքերը ստիպում երեխաներին վախենալ ինչ-որ բան բաց թողնելուց։ Սոցիալական մեդիան տեղափոխել է դպրոցի տարածքից մեր երեխաների ննջասենյակ, եւ նրանք անցկացնում են հեռախոսի առջեւ օրը 24 ժամ, շաբաթը 7 օր, իսկ ակտիվությունը հասնում է գագաթնակետին գիշերը:
Քնի պակասը կարող է հանգեցնել դեպրեսիայի։ Հետազոտության արդյունքները ցույց են տվել, որ դեռահասները, որոնք քնելուց առաջ օգտագործել են սոցիալական ցանցերը, ավելի շատ դժվարություններ են ունեցել քնելու հետ, եւ դա կապված է դեպրեսիայի բարձր մակարդակի հետ»,-նշում են հետազոտողները։