Հղիության ընթացքում առաջացած խնդիրները կարող են ազդել երեխայի երիկամների առողջության վրա
15:48 15 հոկտեմբերի, 2022Հղիության ընթացքում առաջացած խնդիրները կարող են ազդել երեխայի երիկամների առողջության վրա, պարզել են Մոնաշի համալսարանի գիտնականները՝ Տոկիոյի Ջիկեի համալսարանի բժշկական դպրոցի հետ համատեղ: Աշխատանքի արդյունքները հրապարակվել են Kidney International ամսագրում։
Թիմը վերլուծել է չափահաս դոնորների 50 երիկամներ եւ ուսումնասիրել երիկամների հիմնական զտման մեխանիզմը, ներառյալ նեֆրոնների եւ պոդոցիտների աշխատանքը:
Ենթադրվում է, որ որքան շատ են պոդոցիտները, այնքան առողջ են երիկամները: Գիտնականները նկատել են, որ ավելի շատ նեֆրոններ ունեցող երիկամները պարունակում են ավելի շատ պոդոցիտներ։Պարզվել է, որ որոշ մարդկանց մոտ կա ընդամենը 200 հազար նեֆրոն, իսկ մյուսների մոտ կարող է լինել ավելի քան երկու միլիոն:
Հետեւաբար, որոշ մարդիկ ի սկզբանե ծնվում են երիկամների հիվանդությունից կրկնակի պաշտպանվածությամբ, իսկ մյուսները ծնվում են բարձր ռիսկով: Օրգանիզմում նեֆրոնների քանակը ձեւավորվում է պտղի զարգացման ընթացքում եւ ավարտվում հղիության 36-րդ շաբաթում: Հետեւաբար, մայրական վատ սնունդը, ալկոհոլի ազդեցությունը, վիտամինների պակասը, հղիության դիաբետը եւ հղի կնոջ առողջական այլ խնդիրները կարող են ապագայում ազդել երեխայի երիկամների վրա: