Հազվադեպ հանդիպող դեպք. Վանաձորի ԲԿ-ում վիրահատել են օրգանների հայելային դասավորություն ունեցող պացիենտի (ֆոտո)
20:30 25 նոյեմբերի, 2022Վանաձորի բժշկական կենտրոնում վիրահատել են օրգանների հայելային դասավորություն ունեցող պացիենտի:
ԲԿ-ից NEWS.am-ին հայտնում են, որ Վանաձորի բժշկական կենտրոն էր դիմել 40-ամյա պացիենտ՝ գանգատվելով ձախ ենթակողային շրջանի ցավերից, սրտխառնոցից:
Հետազոտություններով նրա մոտ հայտնաբերվել էր լեղաքարային հիվանդություն, սուր քարային խոլեցիստիտ, ներքինօրգաններիհայելայինդասավորություն (Օրգանների հայելային դասավորությունը հազվադեպ հանդիպող անատոմիական տարբերակ է, որի դեպքում սիրտը գտնվում է աջ, լյարդը՝ ձախ կողմում (լատիներեն՝ #situsinversus)):
Չնայած անատոմիական առանձնահատկություններին եւ դրանից բխող տեխնիկական դժվարություններին՝ վիրահատությունը կատարվել է լապարոսկոպիկ եղանակով (Վիրաբուժական թիմ՝ Հովակիմ Գոգորյան, Դավիթ Ազարյան, անեսթեզիոլոգ՝ Մարտուն Մադոյան):
Վիրահատությունը անցել է բարեհաջող, պացիենտը դուրս է գրվել հիվանդանոցից՝ լավացումով:
Ըստ առողջապահության համաշխարհային կազմակերպության տվյալների՝ աշխարհում բնակչության տաս հազար մարդուց միայն մեկի մոտ է հանդիպում օրգանների հայելային դասավորություն:
