Վերջին շրջանում Հայաստանում կորոնավիրուսի ամենատարածված շտամ հանդիսացող օմիկրոնի մասով հանգիստ իրավիճակ է նկատվում։ Այս մասին այսօր՝ նոյեմբերի 30-ին, լրագրողների հետ զրույցում ասաց առողջապահության նախարար Անահիտ Ավանեսյանը։
Նա նկատեց, որ քովիդից հետո այս տարի նկատվում է սուր շնչառական հիվանդությունների ակտիվացում։
«Արձանագրվում են սեզոնային հիվանդությունների նախաքովիդային ցուցանիշներ, նորմայից շեղումներ չկան»,-հավաստիացրեց նախարարը:
Ավանեսյանը նախազգուշացրեց քրոնիկ հիվանդների, երեխաների եւ հղիների համար վտանգավոր H1N1 գրիպի շտամի մասին եւ կոչ արեց պատվաստվել։