Նոյեմբերի 29–ին կյանքից անժամանակ հեռացել է «Աստղիկ» բժշկական կենտրոնի Ծննդօգնության և բժշկական գինեկոլոգիայի բաժնի ղեկավար Արման Նազինյանը։
NEWS.am Medicine-ին «Աստղիկ» բժշկական կենտրոնից հայտնեցին, որ 49–ամյա բժիշկը մահացել է սրտի կաթվածից։
2021թ.-ին բոլորի կողմից սիրված բժիշկը ճանաչվեց Տարվա լավագույն մանկաբարձ-գինեկոլոգ։
«Մենք կորցրեցինք հրաշալի ընկեր ու կոլեգա, պրոֆեսիոնալ բժիշկ, որ դեռ շատ անելիքներ ուներ», – ասվում է կենտրոնի ֆեյսբուքյան գրառման մեջ։
Հոգեհանգստի արարողությունը տեղի կունենա դեկտեմբերի 2ին, 18.00ին` Լյուար սգո սրահում։