«Armed» բջջային հավելվածում քաղաքացին կարող է տեսնել նախկինում կատարած այցերը և ստուգել դրանց իսկությունը
14:31 11 հունվարի, 2023«Armed eHealth» բջջային հավելվածի «Իմ այցերը» բաժնում քաղաքացին կարող է տեսնել նախկինում կատարած այցերը և ստուգել դրանց իսկությունը:
Նպատակներից մեկը հենց բազաների ճշգրտումն է և անճշտությունների հայտնաբերումը: Կարևոր է, որ անձն իր անվան տակ ունենա միայն ճշգրիտ տեղեկություն, թե պետպատվերի կամ սոցիալական փաթեթի շրջանակում ո՞ր բուժհաստատությունում, ե՞րբ և կոնկրետ ո՞ր բժշկի մոտ ինչպիսի՞ ծառայություն է ստացել, ինչպես նաև՝ պետության կամ ապահովագրական ընկերությունների կողմից դրա համար որքա՞ն է վճարվել:
Արտացոլվում են նաև քաղաքացու կողմից վճարված այցերը։ Տեղեկությունը հասանելի է բացառապես այց կատարած և բուժծառայություն ստացած անձին:
Իրականությանը չհամապատասխանող դեպքեր հայտնաբերելու պարագայում օգտվողը կարող է զանգահարել ՀՀ ԱՆ թեժ գիծ ծառայություն` 8003 հեռախոսահամարով:
