Վիրջինիա նահանգի բնակչուհին նշել է 100-ամյակը եւ բացահայտել իր երկարակեցության գաղտնիքը

19:16   1 փետրվարի, 2023

Բեթի Քելլին հունվարի 30-ին նշել է իր ծննդյան տարեդարձն ընտանիքի եւ ընկերների շրջապատում, հայտնում է WVVA-ն։ Կինը մեծ հարգանք է վայելում Կեզվել քաղաքի բնակիչների շրջանում, քանի որ շատ բան է արել իր քաղաքի համար։ Հենց Քելլիի ջանքերով է բացվել տարեցների համար Heritage Hall պանսիոնատը, որտեղ այժմ ապրում է նա։

Խոսելով իր երկարակեցության գաղտնիքի մասին՝ 100-ամյա կինը նշել է երկար ապրելու ամենահեշտ միջոցը։ «Պետք է չմահանալ», — կատակել է Քելլին։

Հունվարի 29-ին Heritage Hall-ում երկարակյացի պատվին մեծ երեկույթ է կազմակերպվել, որին մասնակցել են ավելի քան 40 հարազատներ, ընկերներ եւ նախկին գործընկերներ։



© NEWS.am Medicine