Նոր նշաձող ախտորոշման ոլորտում. «Պրոտոն» կենտրոնի ՄՌՏ–սարքը հնարավորություն է տալիս խուսափել փակ տարածքի զգացողությունից
14:48 22 փետրվարի, 2023«Պրոտոն» ախտորոշիչ կենտրոնը պաշտոնապես բացեց իր դռները։
Այն ստեղծվել է ՀՀ և Արցախի առողջապահության նախարարների ՄՌՏ գծով խորհրդատու, բժիշկ-ռադիոլոգ Նարեկ Մատինյանի, «Շենգավիթ» ԲԿ գլխավոր տնօրեն Ալեքսանդր Ուռումյանի, գործարար Շահնազարյանների ընտանիքի համատեղ ուժերով:
Կենտրոնում տեղադրված է գերմանական «Սիմենս» ընկերության վերջին սերնդի 3 տեսլա հզորությամբ մագնիսա–ռեզոնանսային տոմոգրաֆը, որը հնարավորություն է տալիս կատարել ճշգրիտ ախտորոշում՝ հիվանդության ամենավաղ շրջանում:
«Պրոտոնը» տարածաշրջանի այն եզակի կենտոններից է, որտեղ .
- Կատարվում են նորագույն բացառիկ հետազոտություններ, ինչպիսիք են՝ պտղի ՄՌՏ, ՄՌ-էնտերոգրաֆիա, ֆունկցիոնալ ՄՌՏ:
- Տեղադրված են Հայաստանում առայժմ միակ ՄՌՏ-համատեղելի անեսթեզիայի սարքավորումները, որոնք հնարավորություն են տալիս կատարել ՄՌՏ ծանր վիճակում գնտվող պացիենտներին:
- Տեղադրված է տարածաշրջանում միակ Ambient համակարգը, որը հնարավորություն է տալիս պացիենտին ընտրել միջավայր և հետազոտման ժամանակ դիտել տեսահոլովակներ: Տվյալ համակարգը հնարավորություն է տալիս առանց անէսթեզիայի հետազոտել թե՛ երեխաներին, թե՛ կլաուստրոֆոբիայով պացիենտներին, վերացնելով փակ միջավայրի զգացողությունը:
- Նորածնային և մանկական հետազոտություններն իրականացվում են ժամանակակակից մեթոդներով, հարկ եղած դեպքում՝ անեսթեզիայի կիրառումով:
- Բացակայում է հիվանադանոցային ճնշող և լարված միջավայրը:
«Պրոտոն»–ը գտնվում է «Շենգավիթ» ԲԿ-ի ներսում, աշխատում է ամեն օր, համագործակցում է ապահովագրական ընկերությունների հետ, սպասարկում է նաեւ սոցփաթեթի շահառուներին: