«Փշերի միջով՝ դեպի աստղեր». մանկական ուռուցքաբանների SIOP Asia 2023 կոնգրեսը կկայանա Երեւանում մայիսի 19-ից 21-ը
22:55 17 մարտի, 2023Մանկական ուռուցքաբանության միջազգային ընկերության Ասիայի բաժնի XV ամենամյա կոնգրեսը (SIOP Asia 2023) կանցկացվի 2023 թվականի մայիսի 19-ից 21-ը Հայաստանի մայրաքաղաք Երեւանում։
Կոնգրեսը նպատակ ունի համախմբել մանկական ուռուցքաբաններին ամբողջ աշխարհից՝ կիսելու մանկական ուռուցքաբանության եւ արյունաբանության բոլոր ոլորտների վերջին հետազոտությունների արդյունքները, գաղափարներն ու զարգացումները:
Համագումարը կանցկացվի «Per Aspera Ad Astra»՝ «Փշերի միջով դեպի աստղեր» կարգախոսի ներքո։
SIOP Asia-ի առաքելությունն է խթանել քաղցկեղի բարձրորակ խնամք երեխաների եւ դեռահասների համար: Այս կազմակերպությունը նպատակ ունի բարձրացնել երեխաների մոտ քաղցկեղի իրազեկությունը, ախտորոշումը եւ բուժումը:
SIOP Asia 2023 Կոնգրեսի անցկացման վայրը՝ Երեւանի պետական բժշկական համալսարանն է: Կոնգրեսի կազմակերպիչներն են Հայաստանի մանկական քաղցկեղի եւ արյան հիվանդությունների կենտրոնը եւ Երեւանի պետական բժշկական համալսարանը։