Հուլիսի 1-ից ՀՀ մարզերի վարչական կենտրոններում առողջապահական ծառայությունների դիմաց վճարումը կկատարվի անկանխիկ
18:00 23 հունիսի, 2023Հուլիսի 1-ից ՀՀ մարզերի վարչական կենտրոններում առողջապահական ծառայությունների դիմաց վճարումը կկատարվի անկանխիկ: Այդ մասին NEWS.am-ը տեղեկանում է Առողջապահության նախարարությունից:
Ինչպե՞ս վճարել բժշկական ծառայությունների դիմաց անկանխիկ
POS տերմինալի միջոցով - քարտը մտցնել տերմինալի մեջ և հավաքել PIN կոդը կամ կատարել անհպում վճարում՝ քարտը կամ հեռախոսը մոտեցնելով տերմինալին:
Վճարային տերմինալի միջոցով - հաստատությունում կամ դրա մերձակայքում տեղադրված վճարային տերմինալով գումարը փոխանցել բժշկական հաստատության բանկային հաշվեհամարին:
Բջջային հավելվածի միջոցով - բանկի բջջային հավելվածի համապատասխան բաժնում բժշկական հաստատության բանկային հաշվեհամարին կատարել փոխանցում, QR կոդի սքանավորման միջոցով, Էլեկտրոնային դրամապանակում առկա միջոցներով:
Բանկային փոխանցման միջոցով - բժշկական կազմակերպության բանկային հաշվեհամարին բանկի որևէ մասնաճյուղից փոխանցել գումարը: