Հիմնական բարեփոխումներից մեկը պետք է կապված լինի ամբողջ Ռուսաստանում բժիշկների համար նույնական աշխատավարձի ներդրման հետ. Օնիշչենկո
21:22 27 մարտի, 2024Ռուսաստանում նոր քաղաքական շրջափուլում՝ նախագահական ընտրություններից հետո, հիմնական բարեփոխումներից մեկը պետք է կապված լինի ամբողջ երկրում բժիշկների նույնական աշխատավարձի հետ։ Այս մասին Երեւան-Մոսկվա-Աստանա-Բիշքեկ-Մինսկ տեսակամուրջի ժամանակ ասել է Ռուսաստանի կրթության ակադեմիայի փոխնախագահ, ակադեմիկոս Գենադի Օնիշչենկոն։
Նա բացատրեց, որ դա դժվար կլինի անել։
«Դեռ պարզ չէ, թե ինչ գործիք կգտնվի, բայց գործերը գնում են դեպի այն, որ բոլոր մարզերում լինի նույն աշխատավարձը, որպեսզի այնպես չլինի, որ Մոսկվայում բժիշկ թերապևտը, պայմանականորեն ասած, 110 հազար ռուբլի ստանա, իսկ Մոսկվայի մարզում՝ 70 հազար ռուբլի»,- հավելել է Օնիշչենկոն։