3 քայլ ճարպակալումը կանխելու համար
15:20 2 սեպտեմբերի, 2024ՀՀ առողջապահության նախարարությունը հրապարակել է ճարպակալումը կանխելու ուղեցույց։
ԱՆ–ն նշում է, որ ավելցուկային քաշն ու ճարպակալումն աճում են տարիքին զուգահեռ:
45-69 տարեկանների շրջանում ցուցանիշը 3 անգամ բարձր է այլ տարիքային խմբերի համեմատ:
Ավելցուկային քաշի ու ճարպակալման կանխարգելման համար մեծ նշանակություն ունի սննդամթերքի ճիշտ ընտրությունը. ցանկացած սննդանյութի անբավարար կամ հավելյալ քանակությունը կարող է վատթարացնել մարդու առողջությունը:
Ավելցուկային քաշի ու ճարպակալման կանխարգելման համար ԱՆ–ը խորհուրդ է տալիս.
- Սահմանափակել ճարպերն ու շաքարը
- Ուտել ավելի շատ միրգ ու բանջարեղեն
- Ֆիզիկական ակտիվություն՝ երեխաներ՝ 60 րոպե օրական, մեծահասակներ՝ 150 րոպե շաբաթական
