Հոկտեմբերի 20–ին Երեւանում կկայանա Կրծքագեղձի քաղցկեղի աշնանային գիտաժողովը
19:39 16 հոկտեմբերի, 2014Հոկտեմբերի 20–ին Երեւանում տեղի կունենա Կրծքագեղձի քաղցկեղի աշնանային գիտաժողովը։
Հոկտեմբեր ամիսը միջազգայնորեն համարվում է կրծքագեղձի քաղցկեղի դեմ պայքարի եւ այդ խնդրի մասին տեղեկացված լինելու ամիս: Այդ կապակցությամբ ԱՆ Ուռուցքաբանության ազգային կենտրոնը հոկտեմբեր ամսվա ընթացքում նախատեսել է մի շարք միջոցառումներ, որոնց թվում է Կրծքագեղձի քաղցկեղի աշնանային գիտաժողովը, ասվում է Ուռուցքաբանության ազգային կենտրոնի հաղորդագրության մեջ։
Ուռուցքաբանության ազգային կենտրոնն այն կազմակերպում է The American Austrian Foundation-ի հետ միասին OMI Visiting Professorship շրջանակներում:
Գիտաժողովի գլխավոր հյուրն է կրծքագեղձի օնկոպլաստիկ վիրաբույժ MD Mahmoud El Tamer-ը` Նյու-Յորքի Evelyn H. Lauder Breast Cancer Center Memorial Sloan-Kettering Cancer Center կենտրոնից:
Գիտաժողովը կմեկնարկի ժամը 09.00 «Էլիտ պլազա» բիզնես կենտրոնում։