Երեւանում ֆոտոթերապիայի առաջին ցուցահանդեսն է մեկնարկել (ֆոտո)
18:16 17 հոկտեմբերի, 2014Երեւանում այսօր մեկնարկել է բարեգործական ֆոտոցուցահանդես՝ կազմակերպված «Գոյ» հոգեբանական կենտրոնի կողմից:
Ինչպես լրագրողներին պատմել է կենտրոնի հիմնադիր տնօրեն Հասմիկ Հակոբյանը, ցուցանահդեսին ներկայացված են հայ լուսանկարիչների աշխատանքները, որոնց հիմնական թեմաներից մեկը սոցիալական խնդիրներն են: Լուսանկարները վաճառվում են 3000-5000 դրամով, եւ եւ նրանց վաճառքից ստացված ողջ հասույթը տրամադրվելու է Աննա եւ Արմենակ Թադեւոսյանների կենտրոնի մտավոր եւ ֆիզիկական խնդիրներ ունեցող երեխաներին:
Գաղափարի հեղինակ հոգեբան Սուսաննա Ավետիսյանը իր հերթին ասել է, որ այս ուցահանդեսը սկիզբ է դնում ֆոտոթերապիայի զարգացմանը Հայաստանում: Ցուցահադեսի ընթացքում կենտրոնի հոգեբանները այցելուների ցանկությամբ մեկնաբանելու են լուսանկարները, ինչը կարող է թերապեւտիկ ազդեցություն ունենալ այցելուների համար:
Ցուցահանդեսը ավարտվելու է վաղը՝ հոկտեմբերի 18-ին:
