Օզեմպիկը ԱՄՆ-ում ներառվել է ուղեղի կաթվածի կանխարգելման նոր հանձնարարականների մեջ. Medscape
22:29 1 նոյեմբերի, 2024Ամերիկյան ուղեղի կաթվածի ասոցիացիան թարմացրել է իր կանխարգելման ուղեցույցները: Ի հավելումն ապրելակերպի հանձնարարականների, այն ընդգրկում է «Օզենպիկ»-ը և նրա անալոգները ավելորդ քաշից և շաքարախտից տառապող մարդկանց համար: Դրա մասին գրում է Medscape պորտալը։
Սրտաբաններն առողջ մարդկանց խորհուրդ են տվել պահպանել նորմալ քաշը և հետևել միջերկրածովյան սննդակարգին։ Ընդ որում ոչ մի սննդային հավելում չի ապացուցել, որ նվազեցնում է ուղեղի կաթվածի վտանգը: Կարևոր է, որ գոտկատեղի շրջագիծը կանանց համար չգերազանցի 80 սմ-ը, իսկ տղամարդկանց համար՝ 94 սմ: Շաքարային դիաբետով և/կամ ճարպակալող սրտանոթային հիվանդությունների բարձր ռիսկ ունեցող մարդկանց համար խորհուրդ են տրվում GLP-1 ագոնիստներ, այսինքն՝ Ozempic-ը և նրա անալոգները:
Ցանկացած ֆիզիկական ակտիվություն նվազեցնում է ուղեղի կաթվածի վտանգը։ Ավելի լավ է շաբաթական առնվազն 150 րոպե չափավոր վարժություններ կատարել: Օրական 11 ժամից ավելի նստելիս ուղեղի կաթվածի վտանգը յուրաքանչյուր լրացուցիչ ժամի համար 21%-ով ավելանում է։
Կարևոր է արյան ճնշումը վերահսկել՝ 140/90 մմ Hg-ից՝ բժշկի կաբինետում կամ 135/85 մմ Hg տանը. դա արդեն հիպերտոնիա է: Արյան ճնշումը վերահսկելու համար բժիշկները խորհուրդ են տվել առնվազն երկու դեղամիջոց օգտագործել։
Անհրաժեշտ է պարբերաբար ստուգել արյան շաքարի մակարդակը և լիպիդային պրոֆիլները: Խոլեստերինի մակարդակն իջեցնելու և կաթվածը կանխելու համար բժիշկը թերևս մտածի PCSK9 ինհիբիտորների նշանակման մասին:
Ծխելը, ներառյալ էլեկտրոնային ծխախոտը, մեծացնում է ուղեղի կաթվածի վտանգը։ Ռիսկի այլ գործոններ են՝ հղիության ընթացքում կանանց արյան բարձր ճնշումը, էնդոմետրիոզը և մինչև 45 տարեկանում արձանագրված դաշտանադադարը: