ԱՄՆ-ում մտադիր են օգտագործումից հանել քթի խցանման դեմ հանրահայտ միջոցը

ԱՄՆ իշխանությունները մտադիր են օգտագործումից հանել քթի խցանման դեմ հիմնական միջոցը՝ ֆենիլէֆրինը, գալով այն եզրակացության, որ այն իրականում ոչ թե օգնում է, այլ խանգարում, տեղեկացրել է «Голос Америки»-ն։

Ֆենէլեֆրինն օգտագործվում է մրսածության դեմ պայքարի ամերիկյան դեղամիջոցների հայտնի տարբերակներում ՝ Sudafed, Dayquil, որոնք դեղատներում վաճառվում են առանց դեղատոմսի:

Սննդամթերքի եւ դեղերի վերահսկման վարչությունը պաշտոնապես առաջարկել է հանել այն օգտագործումից դեղահաբերում եւ հեղուկ լուծույթներում, ինչը, հավանաբար, կստիպի մրսածության դեմ դեղամիջոցներ արտադրողներին դադարեցնել դրա օգտագործումը եւ վերափոխել իրենց դեղերի բանաձեւը:

Փորձագետներն ուսումնասիրել են մի քանի ժամանակակից հետազոտություններ, ինչպես նաև 1960-1970-ականների ուսումնասիրությունները, որոնք ցույց են տվել, որ հաբերում կամ օշարակում պարունակվող ֆենիլէֆրինն անարդյունավետ է, քանի որ այն, ամենայն հավանականությամբ, արագ քայքայվում է եւ դառնում անարդյունավետ ստամոքսում հայտնվելուց հետո:

Մասնագետները ֆենիլէֆրինի փոխարեն խորհուրդ են տալիս օգտագործել մեկ այլ՝ դեղատոմսով դուրս գրվող դեղ՝ պսեւդոէֆեդրին: