Միլանում մտցրել են Իտալիայի տարածքում ծխելու ամենախիստ արգելքը
14:30 2 հունվարի, 20252025 թվականի հունվարի 1-ից Իտալիայի ֆինանսական և նորաձևության մայրաքաղաք Միլանում արգելվում է ծխել «բոլոր հասարակական վայրերում, ներառյալ փողոցներում», ինչը նշանակում է, որ ցանկացած ոք, որը ծխախոտ է վառում փողոցում, կենթարկվի 40 եվրոյից մինչև 240 եվրո տուգանքի, հայտնել է CNN-ը:
Այս քայլը նշանավորում է ծխելու ամենախիստ արգելքը Իտալիայում, որտեղ, ըստ երկրի առողջապահության նախարարության՝ ծխում է բնակչության գրեթե մեկ քառորդը: Միակ բացառությունն այն է, երբ մարդիկ այլ մարդկանցից առնվազն 10 մետր հեռավորության վրա մեկուսացված վայրերում են:
Արգելքը, որը չի տարածվում վեյփերի կամ էլեկտրոնային ծխախոտների վրա, մթնոլորտի աղտոտվածության դեմ պայքարի, ոչ թե առողջության դեմ պայքարի մի մասն է, ըստ քաղաքային խորհրդի, որը 2020 թվականին ընդունել է մաքուր օդի մասին օրինագիծ: Այն ներառում էր ծխելու խիստ արգելքներ, որոնց բաժին էր ընկնում Միլանում և նրա արվարձաններում արտանետումների 7%-ը:
Օրինագիծն ուղղված է «քաղաքում օդի որակի բարելավմանը, քաղաքացիների առողջության պահպանմանը, ներառյալ՝ հասարակական վայրերում պասիվ ծխից պաշտպանելուն»։ Թեև արգելքն ուժի մեջ է մտել հունվարի 1-ի կեսգիշերին, պաշտոնյաները չեն ձերբակալել որևէ խախտողի, հայտնել է Միլանի ոստիկանությունը: