Գրիպի դեմ պատվաստումը ավելի լավ է ազդում կանանց վրա. Կրկին տեստոստերո՞նն է մեղավոր
23:04 25 դեկտեմբերի, 2013Տեստոստերոն հորմոնի բարձր մակարդակը պատճառն է գրիպի դեմ պատվաստման հանդեպ տղամարդու օրգանիզմի իմունային համակարգի ավելի թույլ հակազդեցության, քան կանանց, ենթազդրում է նոր հետազոտությունը։
Հետազոտողները, Ստենֆորդի համալսարանի Մարկ Դեյվիսի գլխավորությամբ, որոշել են 53 կնոջ եւ 34 տղամարդու իմունային համակարգի հակազդեցույթունը՝ գրիպի դեմ սեզոնային պատվաստումից հետո:
Ինչպես սպասվում էր, կնոջ օրգանիզմը գրիպի դեմ ավելի շատ հակամարմիններ եւ ցիտոկիններ է արտադրում, տեղեյացնում է Fox News-ը։
Հետո հետազոտողները արյան շիճուկի հետազոտություն իրականցրեցին գրիպի վիրուսի տարբեր շտամների հայտնաբերման համար:Նրանք բացահայտեցին, որ երկու սեռերի մոտ ամենաբարձր վիրուսակայունությունը զարգանում է, երբ նրանց օրգանիզմը ենթարկվում է H3N2՝ գրիպի վիրուլենտ շտամի ազդեցությանը:
Եւ վերջապես, նրանք բացահայտեցին երկու գեն՝ կապված թույլ իմունային հակազդեցության եւ արյան մեջ ճարպերի նյութափոխանակության հետ: Գիտնականները բացահայտեցին, որ այս գեները կարգավորվում են տեստոստերոնի մակարդակով: Ինչքան բարձր է արյան մեջ տեստոստերոնի մակարդակը, այնքան ավելի թույլ է իմունային ռեակցիան: Այս նոր տվյալները կարող են օգնել բացատրել այն փաստը, թե ինչու են կանայք ավելի շատ հակված այնպիսի աուտոիմուն հիվանդություններին, ինչպիսիք են ցրված սկլերոզը եւ գայլախտը: