Գլխուղեղի հիվանդությունների բուժման ի՞նչ նորարարական մեթոդ է առաջարկում Թբիլիսիի «Ավերսի կլինիկան»

Թբիլիսիի «Ավերսի կլինիկա»-յում արդեն հնարավոր է գլխուղեղի հիվանդությունները բուժել առանց արյան, առանց վիրահատական ​​միջամտության, ռադիովիրաբուժական մեթոդով։ Այս հնարավորությունը ընձեռում է վերջին սերնդի սարքը՝ Gamma Knife Esprit–ը:

Բուժման այս մեթոդը գլխուղեղի պաթոլոգիաների բուժման ամենաճշգրիտ եւ անվտանգ, ոչ ինվազիվ (անարյուն) մեթոդն է, որը կարելի է իրականացնել Թբիլիսիի «Ավերսի կլինիկայի» կենտրոնական մասնաճյուղում։

Նշենք, որ աշխարհում տեղադրված է ընդհանուր առմամբ 340 Gamma Knife սարք, որոնց մեծ մասը գտնվում է Ամերիկայի Միացյալ Նահանգներում և Ճապոնիայում։ Վրաստանը Անդրկովկասի առաջին երկիրն է, որտեղ ներդրվել է այս տեխնոլոգիան։

Ի՞նչ կարելի է բուժել այս մեթոդով եւ ո՞վ կարող է օգտվել Gamma Knife-ից

Բժշկության մեջ Gamma Knife-ն օգտագործվում է ավելի քան կես դար, և կուտակվել է ավելի քան 2 միլիոն տարբեր ուռուցքաբանական և անոթային հիվանդությունների բուժման փորձ։

Gamma Knife Esprit-ը ճանաչվել է որպես ոսկե ստանդարտ գլխուղեղի այնպիսի պաթոլոգիաների համար, որոնք նախկինում համարվում էին անբուժելի, այդ թվում՝

• Գլխուղեղի բարորակ ուռուցքներ (ակուստիկ նեյրոմա, մենինգիոմա, կրանիոֆարինգիոմա, հիպոֆիզի ադենոմա, հեմանգիոբլաստոմա, գլոմուսային ուռուցք)
• Գլխուղեղի չարորակ ուռուցքներ (գլիոբլաստոմա, մետաստազներ ուղեղում, գլիոմաներ, հեմանգիոպերիցիտոմա, խոնդրոսարկոմա, նազոֆարինգի քաղցկեղ, երեխաների ուղեղի ուռուցքներ և այլ չարորակ ուռուցքներ)
• Եռվորյակ նյարդի նեվրալգիա
• Գլխուղեղի զարկերակային արատ
• Ցանկացած ուռուցք, որն ազդում է գլխուղեղի կենսագործունեության վրա
• Էպիլեպսիայի որոշակի ձևեր
• Էական սարսուռը

Ինչպե՞ս պատրաստվել միջամտությանը եւ ինչպե՞ս է այն ընթանում

Gamma Knife-ով բուժումն սկսելուց առաջ, թիրախի գտնվելու վայրը ճշգրիտ որոշելու նպատակով պացիենտին կատարվում  է համակարգչային տոմոգրաֆիա (CT), մագնիսա-ռեզոնանսային տոմոգրաֆիա (MRI) կամ անգիոգրաֆիա՝ կախված այն պաթոլոգիայից, որի հետ գործ ունենք։

Այնուհետև, պրոցեդուրայից առաջ պացիենտի գլխին դրվում է թեթև շրջանակ, որի նկատմամբ թիրախի տեղակայումը նախօրոք որոշված է։ Դրանից հետո  սկսվում է պրոցեդուրան, որի ընթացքում հիվանդը պառկած է սարքի վրա։

Ճառագայթումը կարող է տևել մի քանի րոպեից մինչեւ մեկ ժամ, դա կախված է թիրախի չափից և ձևից:

Ինչն է շատ կարևոր՝ հիվանդը չի զգում ճառագայթումը, պրոցեդուրան ամբողջովին անցավ է, սարքի աղմուկը նրան չի անհանգստացնում և նա կարող է բժշկի հետ խոսել  միկրոֆոնով։

Gamma Knife-ով բուժումը չի պահանջում հատուկ նախապատրաստում։

Որո՞նք են Gamma Knife–ով բուժման առավելությունները վիրահատության համեմատ

• Ավարտվում է մեկ սեանսով, պահանջվում է միայն մեկօրյա ամբուլատոր այց։ Պրոցեդուրայի հաջորդ օրը պացիենտը վերադառնում է կյանքի սովորական ռիթմին
• Չի պահանջում կտրվածք և հետևաբար սպի չի թողնում գանգի և գլխամաշկի վրա․
• Հնարավորինս նվազագույնի է հասցված հետվիրահատական ​​բարդությունների ռիսկը․
• Նախնական պատրաստություն չի պահանջում․
• Պարտադիր չէ անել ընդհանուր անզգայացում․
• Վերականգնում չի պահանջում
• Անվտանգ է հղիների և երեխաների համար, թույլատրվում է 1,5 տարեկանից։

Ի՞նչ է տեղի ունենում միջամտությունից հետո

Միջամտությունից հետո վերականգնման ժամկետը շատ կարճ է, ինչն էլ ավելի է բարելավում հիվանդի կյանքի որակը։ Նաեւ կրկնակի միջամտությունն այլեւս անհրաժեշտ չէ, մինչդեռ բաց վիրահատությունից հետո այն երբեմն դառնում է անխուսափելի՝ բարդությունների պատճառով։

Եվ ամենակարևորն է՝ Gamma Knife-ով գլխուղեղի մետաստազների բուժումից հետո, որպես կանոն, վերանում է նաեւ բաց վիրահատության եւ թանկարժեք ճառագայթման կամ քիմիաթերապիայի անհրաժեշտությունը։

Gamma Knife–ով բուժման մասին լրացուցիչ տեղեկությունների համար կարող եք դիմել «Ավերսի կլինիկա» հետեւյալ հեռախոսահամարով՝ +995 32 2500 700։