Շաքարի փոխարինիչները մեծացնում են ուղեղի՝ ախորժակը կարգավորող հատվածի ակտիվությունը. Naturе
16:23 27 մարտի, 2025Հարավային Կալիֆորնիայի համալսարանի գիտնականները պարզել են, որ արհեստական քաղցրացուցիչ սուկրալոզը մեծացնում է ախորժակը և մարմնի քաշը կարգավորող ուղեղի հատվածի՝ հիպոթալամուսի ակտիվությունը:
Հետազոտության արդյունքները հրապարակվել են Nature Metabolism բժշկագիտական հանդեսում։
Փորձի ընթացքում 75 մասնակցի առաջարկվել է երկու տեսակի ըմպելիք՝ սովորական շաքարով քաղցրացված ջուր և սուկրալոզա:
Սուկրալոզը արհեստական քաղցրացուցիչ է, որը 400-600 անգամ ավելի քաղցր է, քան սախարոզան (բուսաշաքարը): Այն լայնորեն կիրառվում է սննդի արտադրության մեջ։
Ըմպելիքները խմելուց առաջ և հետո կամավորները ենթարկվել են ուղեղի ֆունկցիոնալ մագնիսառեզոնանսային շերտագրության (fMRI), արյան նմուշներ հանձնել և հայտնել, թե որքանով քաղց են զգում:
Արդյունքները ցույց են տվել, որ սուկրալոզը մեծացնում է քաղցը և ակտիվությունը հիպոթալամուսում՝ ուղեղի մի հատվածում, որն առանցքային դեր է խաղում ուտելու վարքը վերահսկելու գործում: Այս ազդեցությունը հատկապես ընդգծված է եղել ճարպակալելու հակում ունեցող մարդկանց շրջանում։
Գիտնականների կարծիքով՝ սուկրալոզան «շփոթեցնում է ուղեղը»՝ քաղցրության զգացում ապահովելով՝ առանց ակնկալվող էներգետիկ արժեքի։
Հետազոտողները հաստատել են նաև, որ շաքարի օգտագործումը հանգեցրել է արյան մեջ հորմոնների և դրանք կարգավորող հորմոնների մակարդակի, ներառյալ ինսուլինը և գլյուկագոնի նման պեպտիդ 1-ի (GLP-1) բարձրացմանը:
Սուկրալոզը նման ազդեցություն չի ունեցել:
«Օրգանիզմն օգտագործում է այս հորմոնները, որպեսզի ուղեղին հուշի կալորիաների սպառման մասին և նվազեցնի քաղցի զգացումը», -ասում է Հարավային Կալիֆոռնիայի համալսարանին աընթեր Քեկի բժշկական դպրոցի էնդոկրինոլոգիայի և շաքարախտի բաժանմունքի համատնօրենը Քեթլին Ալաննա Փեյջը: