«Շենգավիթ» ԲԿ-ում հերթական անգամ իրականացվել է կոխլեար իմպլանտացիա. 4 երեխաներն այսուհետ կլսեն աշխարհի ձայները
20:34 25 ապրիլի, 2025Մեկ ամիս առաջ «Շենգավիթ» ԲԿ-ում հերթական անգամ իրականացվեց ականջի կոխլեար իմպլանտացիա։ Դեպքերից երկուսը բարդ և եզակի էին՝ խխունջի և լսողական նյարդի անոմալիայով։
Վիրահատված 4 երեխաներին արդեն իրականացվել է արտաքին սարքի միացումը։ Նրանք այսուհետ կլսեն աշխարհի ձայները:
Վիրահատությունները կատարվել էին հայտնի ԼՕՌ վիրաբույժ, պրոֆեսոր Դիաբ Հասան Մուհամեդ Ալիի «Շենգավիթ» ԲԿ կատարած հերթական այցի շրջանակում։
Վիրահատությունների համար օգտագործվել են աշխարհահռչակ «MED-EL» ընկերության ժամանակակից կոխլեար իմպլանտները, որոնք ցուցված են նույնիսկ խխունջի անոմալիաներով պացիենտներին:
Վիրահատություններն իրականացվում են պետության աջակցությամբ, ինչը հնարավորություն է տալիս ընտանիքներին ստանալ այս ծառայությունն անվճար, իսկ կոխլեար իմպլանտները ձեռք են բերվում բարերարների աջակցությամբ:
«Շենգավիթ» ԲԿ–ն շնորհակալություն է հայտնում բոլոր բարերարներին, «Շենգավիթ» ԲԿ գլխավոր տնօրեն Ալեքսանդր Ուռումյանին ֆինանսական աջակցության համար, հրավիրված աուդիոլոգ Սերգեյ Լևինին (ՌԴ), «Շենգավիթ» ԲԿ աուդիոլոգ Արմինե Մարտիրոսյանին և պրոֆեսոր Արթուր Շուքուրյանի գլխավորած մասնագիտական թիմին իրենց անմիջական ներդրման համար։
Վիրահատությունից հետո երեխաների հետ կաշխատեն սուրդոմանկավարժներ Նազելի Սահակյանն ու Սեդա Մանուկյանը՝ զարգացնելով նրանց լսողությունն ու խոսքը։
Լսողական խնդիր ունեցող պացիենտները կարող են դիմել «Շենգավիթ» ԲԿ խորհրդատվության, հետազոտությունների և վիրահատությունների համար:
Հերթագրման և մանրամասն տեղեկատվության համար զանագահարել 011 560 560, 098 649 264 համարներով։