Փորձագետը նշել է քաղցկեղի ռիսկի գործոնները

Ծխելը, այդ թվում՝ էլեկտրոնային սիգարետները, ալկոհոլի օգտագործումը, շաքարային դիաբետը, ճարպակալումը, կարմիր մսի և ճարպոտ սննդի չափից շատ օգտագործումը կարող են հանգեցնել ուռուցքների առաջացման, РИА Новости-ին տված հարցազրույցում ասել է ՌԴ Առողջապահության նախարարության Ռադիոլոգիայի ազգային բժշկական հետազոտությունների կենտրոնի գլխավոր տնօրեն և ՌԴ Առողջապահության նախարարության գլխավոր ուռուցքաբան Անդրեյ Կապրինը։

«Ծխողները 30 անգամ ավելի հաճախ են հիվանդանում տարբեր տեղայնացման քաղցկեղով, ոչ միայն թոքերի քաղցկեղ։ Ավելին, դա վերաբերում է էլեկտրոնային սիգարետների ծխելու բոլոր ձևերին, քանի որ ծխի ազդեցությունը և քաղցկեղածին նյութերը դեռևս պահպանվում են։ Ավելին, ալկոհոլը, հատկապես չափից շատ, ռիսկի գործոն է քաղցկեղի մի քանի տեսակների զարգացման, դրանց թվում՝ լյարդի, կրծքագեղձի և աղիների քաղցկեղի համար»,- պատմել է Կապրինը։

Նա նշել է, որ ռիսկի գործոններից են ճարպակալումը, շաքարային դիաբետը, տարբեր խրոնիկական հիվանդությունները և վիրուսային վարակները, մասնավորապես՝ մարդու պապիլոմավիրուսը։ Կարմիր մսի և ճարպոտ սննդի չափից շատ օգտագործումը ևս անմիջականորեն ազդում է հաստ աղիքի քաղցկեղի դեպքերի թվի աճի վրա։