Ինչ պետք է իմանալ Նյու Յորքում մահացությունների հանգեցրած «լեգեոներների հիվանդության» մասին
11:09 22 հուլիսի, 2026Նյու Յորքի առողջապահական իշխանությունները հետաքննում են Մանհեթենի Վերին Իսթ Սայդ թաղամասի երկու հատվածներում
Մասնագետների տվյալներով՝ հարուցիչ բակտերիայի ամենահավանական աղբյուրը տարածքում գտնվող մեկ կամ մի քանի հովացման աշտարակներն են: Սրանք ջրային համակարգեր են, որոնք սովորաբար տեղադրվում են շենքերի տանիքներին և օգտագործվում են սարքավորումների, այդ թվում՝ օդորակիչների ու սառնարանային կայանքների հովացման համար։
Քաղաքային իշխանությունները ընդգծել են, որ բռնկումը կապ չունի բնակելի շենքերի ջրամատակարարման հետ, ուստի բնակիչները կարող են անվտանգ օգտվել ծորակի ջրից՝ խմելու, ուտելիք պատրաստելու և լողանալու համար։ Տնային օդորակիչները նույնպես վտանգ չեն ներկայացնում, քանի որ օդը հովացնելու համար ջուր չեն օգտագործում։ Հիվանդությունը մարդուց մարդուն չի փոխանցվում։
Ի՞նչ է «լեգիոներների հիվանդությունը»
Լեգիոներների հիվանդությունը թոքաբորբի ծանր տեսակ է, որը հարուցվում է Legionella բակտերիաներով։ Դրանք բազմանում են տաք ջրում և կարող են տարածվել շենքերի ջրային համակարգերի միջոցով։
Բակտերիաները կարող են հայտնվել․
- Ցնցուղներում և ցնցուղային համակարգերում
- Հիդրոմերսման ավազաններում
- Հովացման աշտարակներում և տաք ջուր օգտագործող այլ համակարգերում
Վարակումը սովորաբար տեղի է ունենում բակտերիա պարունակող ջրի մանրագույն կաթիլները շնչելիս։ Հիվանդանոցներում գտնվող առավել խոցելի պացիենտները կարող են վարակվել աղտոտված ջրից կամ սառույցից, իսկ նորածինները՝ ջրում ծննդաբերության ժամանակ։
Հիվանդության ախտանշանները
ԱՄՆ Հիվանդությունների վերահսկման և կանխարգելման կենտրոնների (CDC) տվյալներով՝ ախտանշանները սովորաբար ի հայտ են գալիս վարակվելուց 2-14 օր անց։ Դրանք ներառում են․
- Ուժեղ հազ
- Բարձր ջերմություն
- Գլխացավ
- Մկանային ցավեր
Հևոց
Հիվանդության ծանր ընթացքի հավանականությունն ավելի բարձր է այն անձանց շրջանում, ովքեր․
- 50-ից բարձր տարիքի են
- Ծխում են կամ օգտագործում են էլեկտրոնային սիգարետներ
- Տառապում են թոքերի քրոնիկ հիվանդություններով
- Ունեն թույլ իմունային համակարգ
Ինչո՞ւ է այն կոչվում «լեգիոներների հիվանդություն»
Հիվանդությունն իր անվանումը ստացել է 1976 թվականին Ֆիլադելֆիայում «Ամերիկյան լեգիոն» (American Legion) կազմակերպության համագումարի մասնակիցների շրջանում արձանագրված խոշոր բռնկումից հետո։
Կարո՞ղ է արդյոք «լեգիոներների հիվանդությունը» մահվան հանգեցնել
Այո՛։ CDC-ի տվյալներով՝ հիվանդացածներից մոտավորապես յուրաքանչյուր տասներորդը մահանում է բարդություններից։
Ահա թե ինչու է չափազանց կարևոր հնարավորինս շուտ ճշգրիտ ախտորոշում դնելը և համապատասխան հակաբիոտիկներով բուժումը սկսելը։
Առողջապահության համաշխարհային կազմակերպությունը (ԱՀԿ) զգուշացնում է, որ առանց պատշաճ բուժման հիվանդների վիճակը սովորաբար վատթարանում է արդեն առաջին շաբաթվա ընթացքում։ Հնարավոր բարդությունները ներառում են․
- Շնչառական անբավարարություն
- Սեպտիկ շոկ
- Երիկամային անբավարարություն
- Բազմաօրգանային անբավարարություն
Ինչպե՞ս կանխարգելել «լեգիոներների հիվանդությունը»
ԱՀԿ-ի համաձայն՝ շենքերի սեփականատերերն ու ջրային համակարգերի սպասարկման մասնագետները կարող են էապես նվազեցնել բակտերիաների տարածման վտանգը, եթե․
- Կանոնավոր կերպով մաքրեն և ախտահանեն հովացման աշտարակները
- Լողավազաններում և հիդրոմերսման ավազաններում պահպանեն քլորի անհրաժեշտ մակարդակը
- Շաբաթական մեկ անգամ ջուր բացեն ու լվանան հազվադեպ օգտագործվող ծորակները
- Օգտագործելուց առաջ կանոնավոր կերպով դատարկել այգեգործական խողովակներում մնացած ջուրը
- Հետևել արտադրողի հրահանգներին՝ ջրի ֆիլտրերը ժամանակին մաքրելու և փոխարինելու համար
- Կանոնավոր կերպով վերահսկել լողավազաններում և ջակուզիներում քլորի մակարդակը
- Տարին երկու անգամ լվանալ ու մաքրել ջրատաքացուցիչները
Այս քայլերն օգնում են կանխել Legionella բակտերիաների բազմացումը և էապես նվազեցնել վարակվելու ռիսկը։