«Կոչումով բժիշկ» նախագծի յոթերորդ անդրադարձը նվիրված է Ալեքսանյան-Զիլֆյան ընտանիքին
12:42 25 նոյեմբերի, 2014ՀՀ առողջապահության նախարարության «Կոչումով բժիշկ» նախագծի այս անդրադարձը նվիրված է Զիլֆյանների բժշկական տոհմին: Ախտաբան-ֆիգիոլոգ, ախտաբան-անատոմ, բժշկական գիտությունների դոկտոր, պրոֆեսոր Արտո Վրեժի Զիլֆյանը ընտանիքի բժշկական պատմությունը սկսում է իր մայրական կողմի պապից` Արտո (Արտաշես) Բոգդանի Ալեքսանյանից:
«Պապիկս ծնվել է Թբիլիսում: Նա համաճարակաբան էր, բժշկական գիտությունների դոկտոր, պրոֆեսոր, ԽՍՀՄ բժշկական ակադեմիայի իսկական անդամ: 1916 թվականին ավարտել է Օդեսային համալսարանի բժշկական ֆակուլտետը: Նա Խորհրդային Հայաստանում համաճարակաբանական ծառայության հիմնադիրներից է»,- պատմում է Արտո Զիլֆյանը:
Ալեքսանյան-Զիլֆյան ընտանիքում բժշկագիտության տարբեր ոլորտներում հաջողությամբ գիտական եւ կլինիկական գործունեություն է ծավալել չորս սերունդ:
Հունիսից մինչեւ այժմ հանրության դատին են հանձվել Ֆանարջյանների, Սարուխանյանների, Անանիկյանների, Մինասյանների, Մալայանների, Զոհրաբյանների բժշկական գերդաստաններին նվիրված թողարկումները։