Առողջության համընդհանուր ապահովագրության շրջանակում այցերը կարելի է ամրագրել առցանց

Առողջության համընդհանուր ապահովագրության շրջանակում բժշկական ծառայությունների այցերի առցանց ամրագրումն արդեն հասանելի է, հայտնում է առողջապահության նախարարությունը։

Առողջության համընդհանուր ապահովագրության շրջանակում, բժշկական ծառայությունների, այդ թվում՝ խորհրդատվությունների և սքրինինգների, առցանց ամրագրման հնարավորությունն հասանելի է «Ծառայությունների միասնական հարթակում»։

45- 68 տարեկան կանանց համար հասանելի է նաև կրծքագեղձի քաղցկեղի սքրինինգի այցերի առցանց ամրագրումը։

Ամրագրելու համար՝

• Մուտք գործեք «Ծառայությունների միասնական հարթակ» (hartak.am)
• Նույնականացվեք «ԵսԵմ» հարթակի միջոցով
• Ընտրեք անհրաժեշտ բժշկական ծառայությունը
• Ընտրեք ձեզ հարմար օրը և ժամը
• Ստացեք ամրագրման անմիջական հաստատում:

Ծառայությունից օգտվելու համար անհրաժեշտ է ունենալ առողջության ապահովագրություն և նույնականացվել «ԵսԵմ» թվային հարթակի միջոցով։