Քաղցկեղի եւ դիաբետի առաջացմանը նպաստող ազատ ռադիկալները շատ քիչ քանակով, բայց այնումենայնիվ անհրաժեշտ են սպերմատոզոիդների բնականոն գործունեության համար: Սակայն, ինչպես նշում է մանկաբարձուհի եւ պտղաբերության մասնագետ Զետա Վեսթը, օրգանիզմի գերհագեցվածությունը ազատ ռադիկալներով կարող է շատ մեծ վնաս հասցնել սպերմատոզոիդներին, ինչպես նաեւ մարդու այլ բջիջներին:
Ահա մի քանի գործոն, որոնք բացասաբար են անդրադառնում տղամարդու առողջության վրա՝ վնասակար ազդեցություն ունենալով վերջինիս սերմնահեղուկի որակի վրա: Երեխա ունենալ ցանկացող տղամարդիկ պետք է հնարավորինս խուսափեն դրանց ազդեցությունից:
Բարձր ջերմաստիճանի վնասակար ազդեցություն
Ջակուզին, սաունաներն ու տաքացվող նստատեղերը շատ վտանգավոր են տղամարդու առողջության համար: Դա գիտեն գրեթե բոլորը: Սակայն շատերին հայտնի չէ, որ նույնքան վնասակար են բջջային հեռախոսը գրպանում, նոութբուքը կամ պլանշետը ծնկների վրա: Վերջիններս նույնպես բարձրացնում են ամորձիների ջերմաստիճանը: Իսկ բնությունը պատահաբար չէ, որ դրանց համար տեղ է նախատեսել մարմնից դուրս: Ջերմային ռեժիմը պետք է պահպանել:
Ներքնաշորեր
Նեղ ներքնաշորերը նույնպես շատ վտանգավոր են: Քանի որ դրանք նույնպես բարձրացնում են ամորձիների ջերմաստիճանը եւ բացասաբար անդրադառնում առողջ սպերմատոզոիդների արտադրության վրա:
Տապակած սնունդ
Ինչպես հայտնի է, տապակած սնունդը կանցերոգեն նյութերի աղբյուր է: Այն նաեւ նպաստում է օրգանիզմում ազատ ռադիկալների ձեւավորմանը: Հայր դառնալ ցանկացող տղամարդը պետք է հնարավորինս հետեւի առողջ սննդակարգին: Պետք է տապակած մսի փոխարեն օգտագործել եփած միս:
Տրանս-ճարպերն ու կոսերվանտները
Տրանս-ճարպերն ու կոսերվանտները նունպես վտանգավոր են այն նույն պատճառով, ինչ տապակած սնունդը:
Ալկոհոլ ու նիկոտին
Ալկոհոլն ու նիկոտինը, ինչպես նաեւ ցանկացած թմրանյութերի օգտագործումը, բացասաբար են անդրադառնում տղամարդու առողջության վրա: Առաջինը դրանց ազդեցությունից տուժում է, որպես կանոն, վերարտադրողական համակարգը:
Տարիքին զուգահեռ տղամարդու վերարտադրողական համակարգն ամեն դեպքում թուլանում է, սակայն, Զեթա Վեստի խոսքով, ճիշտ սնվելու ու առողջ ապրելակերպին հետեւելու դեպքում նրա օրգանիզմը ավելի երկար երիտասարդ կմնա՝ պահպանելով բեղմնավորելու հատկությունը: