Հայաստանի 4-րդ Միջազգային բժշկական համագումարի բացումը տեղի կունենա Օպերայի թատրոնում
21:33 25 հունիսի, 2015Հայաստանի 4-րդ Միջազգային Բժշկական Համագումարի բացման հանդիսավոր արարողությունը տեղի կունենա 2015թ հուլիսի 1-ին, ժամը 19:00-ին, Երեւանի Ա. Սպենդիարյանի անվան օպերայի եւ բալետի ազգային ակադեմիական թատրոնում:
Համագումարի բացման արարողությանը կհաջորդի «Հայաստանի բուժաշխատողի օրը» միջոցառումը, որն արդեն տարիներ շարունակ հանդիսավոր նշվում է ՀՀ Առողջապահության նախարարության նախաձեռնությամբ:
Միջոցառման պաշտոնական մասից հետո տեղի կունենա համերգային ծրագիր՝ Հայաստանի պետական երիտասարդական նվագախմբի մասնակցությամբ, դիրիժոր Սերգեյ Սմբատյանի ղեկավարությամբ: