5 նշաններ, որոնք վկայում են սրտի խնդիրների մասին

Կենսակերպն ու շրջակա միջավայրը հսկայական ազդեցություն են թողնում մեր սրտի աշխատանքի վրա. մեծամասամբ ծխելն ու սխալ սննդակարգը վնասում են սրտին ու անոթներին, իսկ վարժություններն ու առողջ սննդակարգը, հակառակը ՝ ուժեղացնում են դրանք:

NEWS.am Medicine –ի խմբագրությունը ձեր ուշադրությանն է ներկայացնում մի քանի տագնապալի նշաներ, որոնք վկայում են սրտի խնդիրների մասին: Եթե դուք նկատել եք նման ախտանիշներ, գուցե իմաստ ունի բժշկի դիմել:

1 Հեւոցներ

Հեւոցը սրտի խնդիրների առաջին ախտանիշներից մեկն է: Եթե դուք սկսել եք չափազանց հաճախ հեւալ, ընդ որում առանց լուրջ պատճառների (օրինակ ֆիզիկական ինտենսիվ վարժությունների), գուցե բժշկի դիմելու ճիշտ ժամանակն է:

2. Մշտական հոգնածություն

Եթե դուք անընդհատ հոգնածություն եք զգում, չնայած հոգնածության օբյեկտիվ պատճառ չկա, հնարավոր է, որ ձեր սիրտը անհրաժեշտ քանակության արյուն ու թթվածին չի ներբեռնում օրգանիզմի միջով: Հենց դրա համար էլ մշտական հոգնածությունը նույնպես կարող է սրտին վերաբերող խնդրի նշան լինել:

3 . Սրտի բաբախյուն

Սովորաբար սիրտն աշխատում է «լուռ ռեժիմով», ու Դուք չեք զգում ու չեք նկատում նրա աշխատանքը: Իսկ եթե հանկարծ սկսել եք լսել ու զգալ սրտի ծանր բաբախյունը, ուրեմն իմաստ ունի խորհրդակցել սրտաբանի հետ:

4. Ցավեր ծնոտի, մեջքի ու կրծքի մասում

Ցավի զգացումը մարմնի ձախ կողմում ՝ հատկապես մեջքի, կրծքավանդակի, ձեռքերի կամ ծնոտի մասում, կարող է հուշել ստային անբավարարության մասին: Ապահովության համար խորհրդակցեք բժշկի հետ:

5. Մազաթափություն

Եթե Ձեր մազերը առանց որեւէ պատճառի սկսել են թափվել, դա նույնպես կարող է վկայել սրտի խնդիրների մասին: Սա հատկապես վերաբերում է կանանց, քանի որ տղամարդկանց մազերը երբեմն առանց որեւէ պատճառի էլ են թափվում: