Աբովյանցի կինը 9-րդ երեխան է ունեցել (ֆոտո)
11:01 26 հոկտեմբերի, 2015Աբովյանի ծննդատանը լույս աշխարհ է եկել 42-ամյա Համեստ Սադոյանի 9-րդ երեխան: Ինչպես NEWS.am Medicine-ի թղթակցին պատմել են Աբովյանի ծննդատան աշխատակիցները, մայրը եւ երեխան շատ լավ են իրենց զգում եւ այսօր կամ վաղը դուրս կգրվեն եւ կգնան տուն:
Համեստ Սադոյանի բոլոր 9 ծննդաբերությունները վարել է մանկաբարձ-գինեկոլոգ Սլավիկ Օհանյանը: Նախորդ 8 երեխաներին Համեստն իր ուժերով է ծննդաբերել, սակայն այս անգամ նրան կեսարյան հատում են արել: Ինչպես տեղեկացնում են ՀՀ Առողջապահության նախարարությունից, բարդ ծննդաբերությունը բուժանձնակազմի բարձր պատրաստվածության շնորհիվ բարեհաջող է անցել:
Ինքը Համեստ Սադոյանը NEWS.am Medicine-ի թղթակցին պատմել է, որ երեխայի անունը Միլենա է դրել եւ հիմա անհամբեր սպասում է, թե երբ տուն կվերադառնա: Նրա ավագ երեխան էլ 20 տարեկան է:
«Համեստը իր բոլոր բալիկնեին շատ արժանավայել կերպով պահել է: Կարծում ենք, որ մեր հանրությունը պետք է շնորհակալ լինի նման մայրերին», - ասել է ծննդատան նեոնաթոլոգը:
