Մարզասրահի յուրաքանչյուր երրորդ այցելու նիհարելու համար դեղեր է խմում
16:36 28 հոկտեմբերի, 2015Մարզադահլիճներ այցելողների ավելի քան 30 տոկոսը նիհարելու նպատակով դեղ կամ սննդային հավելումներ է օգտագործում: Իրենց արտաքինից եւ մարմնաձեւերից դժգոհ շատ մարդիկ հույսը դնում են հոգեակտիվ նյութերի վրա: Այդ մասին տեղեկացնում են Մեծ Բրիտանիայի Հարթֆորդշիրի համալսարանի հետազոտողները:
Գիտնականների խոսքով, որոշ մարդկանց՝ իդեալական մարմին ձեռք բերելու ձգտումը չափազանց հեռուն է գնում, եւ մարզասրահի յուրաքանչյուր երրորդ բաժանորդագրություն ունեցողը առողջության համար պոտենցիալ վտանգ ներկայացնող դիետիկ հաբեր կամ հավելումներ է օգտագործում ավելորդ քաշից ազատվելու եւ մարզումներին լավագույն արդյունքի հասնելու համար:
Նրանց կեսը կանոնավոր կերպով հոգեակտիվ նյութեր է ընդունում իր նպատակին հասնելու համար: Մարզասրահի յուրաքանչյուր երրորդ այցելուն առնվազն մեկ անգամ արգելված ամֆետամիններ է օգտագործում մարմնի համամասնությունների բարելավման համար:
«Այդ մարդիկ իրենց թմրամոլ չեն համարում, որովհետեւ հետեւում են հասարակությունում ընդունված միտումներին, ասել է հետազոտության հեղինակ Օմելա Կարացին: Եթե ընդհանուր դեղատանը հավելումներ կամ սեռական ակտիվության խթանիչներ ես գնում, ուրեմն համարում ես, որ դրանք լավն են եւ լրիվ անվնաս, բայց հետագայում պարզում ես, որ բոլորովին էլ այդպես չէ»:
Հետազոտության արդյունքները հիմնվել են մարզասրահների 433 կանոնավոր այցելուների հարցման վրա: Նրանց 80%-ը անհանգստացել է իր արտաքինի առումով, իսկ ավելի քան 30%-ը կանոնավորապես դեպրեսիա է ապրել իր մարմնից դժգոհ լինելու պատճառով: