Ծխելը կարող է արագացնել դաշտանադադարը մի քանի տարով

Ծխելը կարող է մի քանի տարով արագացնել դաշտանադադարի զարգացումը, նախազգուշացնում է  Պերելմանի համալսարանի բժիշկ Սամանտա Բաթսը: Նա եւ նրա գործընկերները հաստատել են, որ որոշակի գենետիկ մուտացիայով շատ ծխող եվրոպոիդ կանանց մոտ  դաշտանադադարը 9 տարով ավելի շուտ է զարգացել, հաղորդում է NBC News-ը: Տվյալ մուտացիան հաստատվել է ուսումնասիրությանը մասնակցող եվրոպոիդ կանանց 7% -ի մոտ:

Մասնագետներին հետաքրքրել է, թե ինչպես է գենը փոխազդել ծխախոտի ծխի մեջ պարունակվող հատուկ բաղադրիչների հետ:  Պարզվել է, որ շատ թույներ օրգանիզմում հայտնվելուն պես ինակտիվանում են: Բայց գոյություն ունեն գեներ, որոնք իներտ թույները դարձնում են ավելի թունավոր:

Ընդհանուր առմամբ հետազոտության են ենթարկվել 35-47 տարեկան 410 կին, ում հետեւել են 14 տարիների ընթացքում: Մասնակիցների 50%-ը աֆրոմերիկացի է եղել, իսկ մյուս 50%-ը՝ եվրոպական ծագման:  Ընդհանուր առմամբ հետազոտության ընթացքում ծխող կանանց մոտ մեկ տարի շուտ է դաշտանադադար զարգացել, քան չծխողների: Բայց դա չի վերաբերել աֆրոամերիկացիներին: Հավանաբար, նրանց մոտ իրենց գեներն են աշխատել: