Տաք ըմպելիքների օգտագործումը կարող է ուռուցքային հիվանդությունների առաջացման պատճառ դառնալ: Այդ մասին հայտնել է Առողջապահության համաշխարհային կազմակերպության (ԱՀԿ) գիտահետազոտական կառույցը` Քաղցկեղի ուսումնասիրման միջազգային գործակալությունը (ՔՈՒՄԳ) տարբեր երկրներում անցկացված աշխատանքների հիման վրա:
«Շատ տաք ըմպելիքների օգտգործումը կարող է կերակրափողի քաղցկեղի առաջացման պատճառ դառնալ» - հայտնել է գործակալության տնօրեն Քրիստոֆեր Վայլդը: Նա ճշտել է, որ ըմպելիքները «տաք» են համարվում` սկսած ըստ Ցելսիուսի 65 աստիճան ջերմությունից: Աշխարհի շատ երկրներում այնպիսի ըմպելիքները, ինչպիսին են սուրճը եւ մատեն, տաք են խմում, առնվազն 70 աստիճանում ըստ Ցելսիուսի:
Միաժամանակ գործակալության ղեկավարը նշել է, որ իր փորձագետների կարծիքով, ոչ սուրճը, ոչ մատեն քաղցկեղածին ըմպելիքներ չեն այն դեպքում, եթե դրանք չափից ավելի տաք չօգտագործեն:
«Ավելի շուտ ըմպելիքների ջերմաստիճանն է վտանգ ներկայացնում, ոչ թե կազմը: Հիվանդության հավանականությունն աճում է ջերմաստիճանի բարձրացմանը համապատասխան», - հայտնել է Քրիստոֆեր Վայլդը: «Սուրճի եւ թեյի նորմալ ջերմաստիճանները, որոնցում ընդունված է դրանք խմել Եվրոպայում եւ Հյուսիսային Ամերիկայում, վտանգավոր գծից անհամեմատ ցածր են, այսինքն`60 աստիճանից ցածր են լինում», - կարծում է մասնագետ ուռուցքաբանը:
Նա նշել է, որ կերակրափողի քաղցկեղն աշխարհում ուռուցքային հիվանդությունների թվում ութերորդ տեղում է եւ առաջին տեղում է որպես մահացու ելքով քաղցկեղ: 2012-ին աշխարհում դրանից 400 հազար մարդ է մահացել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր