Խրոնիկական անքնությունից խուսափելու համար անհրաժեշտ է անկողնում հնարավորինս քիչ ժամանակ անցկացնել, եզրակացրել են Փենսիլվանիայի համալսարանի գիտնականները: Ստացված եզրահանգումները հաստատել են ավելի վաղ արտահայտված ենթադրությունն այն մասին, որ անքնության դեմ անհրաժեշտ է պայքարել անկողնում գտնվելու ժամանակը կրճատելու հաշվին: Անցկացված հետազոտությունների արդյունքները ներկայացվել են SLEEP 2016-ին` քնի խնդիրներին նվիրված 30-րդ ամենամյա համաժողովին: Դրանց վերաբերյալ համառոտ տեղեկացնում է Medical News Today-ը:
Հետազոտությունները, որոնց ավելի քան 400 մարդ է մասնակցել, կես տարի են ընթացել: Ամբողջ ժամանակաշրջանի ընթացքում 394 մասնակից կարողացել է պահպանել առողջ քունը, 31-ը գոնե մեկ անգամ սուր (սթրեսային) անքնություն է ապրել եւ 31 –ը` խրոնիկական: Բոլոր տեղեկությունները ստացվել են հատուկ օրագրերից, որոնք վեց ամսվա ընթացքում վարել են փորձարկվողները: Հետազոտողները նկատել են, որ այն մասնակիցների մոտ, որոնք ջանացել են քնի հետ կապված խնդիրներից ազատվել ուշ արթնանալու հաշվին, ի վերջո սուր անքնությունը վերաճել է խրոնիկականի:
Օրինակ, եթե մարդը, քնելու պառկելով երեկոյան 11-ին, զարթուցիչը դնում է առավոտվա 7-ի վրա, բայց միեւնույն է` արթնանում է 5.30-ին, ավելի լավ է անկողնում չմնա, այլ գործի անցնի: Գիտնականները նշում են, որ նման պահվածքն օգնում է ազատվել ոչ միայն սուր, այլեւ խրոնիկական անքնությունից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր