Գիտե՞ք, որ սիրտը կյանքի ընթացքում միջինը շուրջ 5,7 մլն լիտր արյուն կարող է մղել: Սա հսկայական ցուցանիշ է՝ բռունցքի չափեր ունեցող օրգանի համար: Իսկ ո՞ր դեպքերում է դրա խոռոչների լայնացում առաջանում:
Նախ նկատենք, որ խոսքը կարդիոմեգալիա անվամբ հայտնի երեւույթի մասին է, որը մեկ այլ՝ հիմնական խնդրի առկայության մասին է վկայում, տեղեկացնում է FoxNews-ը:
«Սրտի լայնացումը օրգանի՝ արյուն մղող խոռոչներին վերագրվող ընդհանուր եզրույթ է հանդիսանում եւ կարող է մի շարք բարդությունների, մասնավորապես՝ արյան բարձր ճնշման, շաքարախտի եւ ճարպակալման արդյունքում ի հայտ գալ», - մեկնաբանել է ԱՄՆ-ում գործող Ջոան Թիշի հիվանդանոցի կանանց առողջության կենտրոնի բժշկական տնօրեն դոկտոր Նիեկա Գոլդբերգը:
Հատկանշական է այն, որ սրտի խոռոչների լայնացում ունեցող մարդիկ ոչ մի միշտ են որեւէ ախտանշան դրսեւորում: Իսկ առկայության դեպքում դրանք կարող են հետեւյալը լինել՝
- Հեւոց
- Գլխապտույտ
- Սրտի անկանոն աշխատանք
- Այտուցում
- Հազ
- Ցավ՝ կրծքավանդակի շրջանում
Սրտի աշխատանքի հետ կապված ախտանշանները մշտապես պետք է ուշադրության կենտրոնում լինեն, այնպես որ դրանցից որեւէ մեկի առկայության պարագայում հարկավոր է անմիջապես բժշկի օգնությանը դիմել: Լավագույն միջոցը՝ պարզելու համար, թե արդյոք սրտի լայնացում ունեք, էխոկարդիոգրաման եւ ուլտրաձայնային հետազոտությունն են:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր