Կանադական Tekmira դեղագործական ընկերությունը 2015 թ. սկզբում Գվինեա կմատակարարի սեփական արտադրության Էբոլայի դեմ պատվաստանյութը եւ կսկսի մարդկանց վրա կլինիկական փորձարկումները։
Ընկերության հայտարարության համաձայն՝ այն Գվինեային կտրամադրի TKM-Ebola-Guinea պատվաստանյութը։ Մարդկանց վրա կլինիկական փորձարկումները կիրականացնի Օքսֆորդի համալսարանը։ Ինչպես հաղորդում է РИА Новости-ին, ներկա պահին հենց այդ նպատակների համար պատրաստ է դեղամիջոցի 100 դեղաչափ։
Ավելի վաղ ԱՄՆ սննդի եւ դեղամիջոցների որակի վերահսկման վարչությունը ղեկավարությունը թույլ էր տվել Tekmira-ի դեղամիջոցի մասնակի կլինիկական փորձարկումներ իրականացնել Էբոլա տենդի բուժման համար։ Ընկերությունը նշել է. որ դեղամիջոցը մշակվել է բիոպահպանության գծով Պենտագոնի ստորաբաժանման մասնագետների հետ համատեղությամբ։
ԱՀԿ-ի վերջին տվյալներով հեմոռագիկ Էբոլա մահացու տենդի վիրուսի զոհերի թիվը երեք տուժող երկրներում կազմել է 7518 մարդ, իսկ վարակվածների թիվը՝ 19 340 մարդ։
Ավելի վաղ ԱՀԿ-ն հայտնել էր Գվինեայում, Լիբերիայում եւ Սիերա Լեոնեում 7373 մահացածների եւ 19031 վարակակիրների մասին։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր