ԱՄՆ-ում լիստերիոզ համաճարակն արդեն 5 մարդու կյանք է խլել։ ԱՄՆ-ի հիվանդությունների վերահսկման եւ կանխարգելման կենտրոնը (CDC) հաղորդում է, որ, ընդհանուր առմամբ, հիվանդությամբ վարակվել է արդեն 28 մարդ, որոնցից 26-ը հոսպիտալացվել է։
Լիստերիոզը Listeria մանրէների կողմից հարուցված մարդու եւ կենդանիների վարակիչ հիվանդություն է։ Հիվանդության մահացությունը բավականին բարձր է, հատկապես եթե վարակակիրը թույլ իմունիտետ ունի։
Ամերիկացի համաճարակաբաններն արդեն պարզել են, որ սարսափելի վարակի բռնկումը կապված է կարամելով պատված խնձորների հետ. հիվանդների հետ արված հարցումը ցույց է տվել, որ վարակակիրների նվազագույնը 83%-ը կերել է այդպիսի խնձորներ։ Սակայն մնում է պարզել՝ որ ընկերությունների այդպիսի խնձորների արտադրանքին է հասել լիստերիոզի համակցված հարուցիչը՝ Listeria monocytogenes-ը։
ԱՄՆ-ի հիվանդությունների վերահսկման եւ կանխարգելման կենտրոնի մասնագետները խնձորներից կամ ցանկացած կարամելային արտադրանքներից հրաժարվելու կոչ դեռ չեն անում՝ պնդելով, որ ակտիվ հետազոտություն է իրականացվում, եւ շուտով պարզ կդառնա, թե հատկապես որ ընկերությունն է մեղավոր կատարվածի համար։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր