Նորածինների սքրինինգը թույլ կտա կրճատել դիսպլազիայի եւ ազդրի հոդախախտման բուժման ծախսերը

2010-2014 թվականներին Հայաստանում գործում էր նորածինների սքրինինգի ծրագիրը՝ նրանց մոտ դիսպլազիայի ու ազդրի հոդախախտման հայտնաբերման նպատակով: Եթե այդպիսի սքրինինգներ մշտապես իրականացվեն, հնարավոր կլինի ժամանակին հայտնաբերել այս խնդիրը նորածինների մոտ եւ կանպել այդպիսով բարդացումներն ու հաշմանդամությունը: Այս մասին 4-րդ միջազգային բժշկական համագումարի շրջանակներում պատմեց բժիշկ Զառա Ջանիբեկյանը:

Նրա խոսքով՝ ծրագրի շրջանակներում 39 մասնագետ վերապատրաստում է անցել, 20 կլինիկա՝ սարքավորումներ ստացել ուլտրաձայնային հետազոտության իրականացմանհամար: Նաեւ անցկացվել է 16 808 սքրինինգ, որոնց ընթացքում ազդրի հոդախախտմամբ ու դիսպլազիայով 67 երեխա է հայտնաբերվել:

Այսպիսի մեկ հիվանդի բուժման արժեքը կազմում է 2500 դոլար, սակայն, եթե խնդիրը ժամանակին ախտորոշվի, բուժումն ընդամենը 66 դոլար կարժենա: Սքրինինգը մոտ 5 դոլար արժե, եւ այն կարող է նկատելիորեն նվազեցնել բուժման ծախսերը:

Ինչպես նշեց Զառա Ջանիբեկյանը, սքրինինգը կարող է տարեկան տաս հաշմանդամության դեպք կանխել: Իսկ սքրինինգի մշտական ծրագրի ներդրման համար պահանջվելոը է 80 միլիոն դրամ (170 հազար դոլար): Պետք են նաեւ նոր ՈւՁՀ սարքավորումներ, քանի որ շատ հայկական կլինիկաներում սարքվարումները հին են:

Դիսպլազիան ու հոդախախտումը հանդիպում են 1000 երեխաներից մոտ 2-ի մոտ, ընդ որում՝ աղջիկների մոտ այս խնդիրը ավելի հաճախ է հանդիպում, քան տղաների մոտ; Հատկանշական է, որ Չինաստանում ու Աֆրիկայում այն այդքան էլ տարածված չէ՝ եվրոպական երկրների համեմատ: 

Հետևեք NEWS.am Medicine-ին Facebook-ում և Twitter-ում