Հայաստանում առաջին անգամ կորոնավիրուսով վարակված կինը ծննդաբերել է․ թե' երեխան, թե' մայրը իրենց լավ են զգում

Հայաստանում առաջին անգամ կորոնավիրուսով վարակված կինը ծննդաբերել է․ թե' երեխան, թե' մայրը իրենց լավ են զգում։ Այս մասին ֆեյսբուքյան իր էջում գրել է առողջապահության նախարար Արսեն Թորոսյանը։

«Երեկ ունեցել ենք առաջին ծնունդը մայրիկից, ում մոտ կորոնավիրուսի թեստը դրական է եղել:

Բարեբախտաբար, շնորհիվ մեր բժիշկների պրոֆեսիոնալիզմի թե' երեխան, թե' մայրը իրենց լավ են զգում:

Ծննդաբերությունից հետո դրված թեստը ծննդկանի մոտ տվել է բացասական արդյունք, իսկ երեխան կթեստավորվի այսօր: Նրանք դեռ 14 օր կգտնվեն բժշկական հսկողության տակ:

Առողջություն եմ մաղթում նրանց», - գրել է նախարարը:

Հիշեցնենք, որ Հայաստանում ապրիլի 17-ին՝ ժամը 11:00-ի դրությամբ նոր կորոնավիրուսով վարակվելու 42 նոր դեպք է գրանցվել:

Ընդհանուր առմամբ՝ ապրիլի 16-ին հաստատվել է կորոնավիրուսի 1201 դեպք:

Բացասական արդյունք է արձանագրվել 10793 թեստավորման դեպքում (վերջին մեկ օրում՝ 1161): Փաստացի այս պահին բուժվում է 780 անձ (վերջին մեկ օրում պակասել է 3-ով):

Վերջին տվյալներով ապաքինվել է 402 անձ (վերջին մեկ օրում՝ 44 մարդ), 19 պացիենտ մահացել է:

Հետևեք NEWS.am Medicine-ին Facebook-ում և Twitter-ում