Նանկինի բժշկական համալսարանի գիտնականները պարզել են, որ աղիներում Odoribacter բակտերիաների թվի աճը կապված է անքնության ռիսկի բարձրացման հետ: Ուսումնասիրության արդյունքները հրապարակվել են «General Psychiatry» (GenPsy) ամսագրում:
Ուսումնասիրության ընթացքում կիրառվել է մենդելյան ռանդոմիզացիայի մեթոդը (MPR)։ Այս մեթոդը հնարավորություն է տալիս բացահայտել պատճառահետևանքային կապ ռիսկի որևէ գործոնի և արդյունքի (օրինակ՝ հիվանդության) միջև՝ օգտագործելով գենետիկ տարբերակները։ MPR-ի համար օգտագործվել են 386,533 անքնությամբ տառապող անձանց գենետիկ տվյալները։ Բացի այդ, աշխատանքում ներառվել է նաև 26 հազար մարդու աղիքային միկրոբիոտայի կազմի վերաբերյալ տեղեկատվություն։
Ըստ հետազոտության՝ անքննության պատճառ են դարձել 14 խումբ բակտերիաներ (ռիսկի աճը՝ 1-4%), իսկ ութ այլ տեսակներ, ընդհակառակը, նվազեցրել են դրա զարգացման հավանականությունը 1-3%-ով։ Odoribacter դասի միկրոօրգանիզմներն ամենաուժեղ բացասական ազդեցությունն են ունեցել քնի որակի վրա։
Բացի այդ, անքնությունն ինքնին կապված է աղիների միկրոբային հավասարակշռության փոփոխությունների հետ։ Խանգարումը կապված է յոթ մանրէային խմբերի 43-79% նվազման և 12 մանրէային խմբերի 65% աճի և նվազման հետ։
Հետազոտության հեղինակները նշում են, որ հետազոտությունն ունի որոշ սահմանափակումներ։ Մասնակիցները բացառապես եվրոպական ծագում ունեցող մարդիկ են եղել։ Վերլուծության մեջ հաշվի չեն առնվել նաև սննդակարգն ու ապրելակերպը, որոնք ազդում են միկրոբիոտայի կազմի և գեների ու շրջակա միջավայրի փոխազդեցության վրա։
Հետևեք NEWS.am Medicine-ին Facebook-ում և Twitter-ում