Բեւեռլի Հիլզից ուրոլոգ Ջեյմս Էլիստը սիլիկոնային իմպլանտների միջոցով տղամարդկանց սեռական անդամը մեծացնելու նոր տեխնոլոգիա է մշակել: Պրոցեդուրայի օգնությամբ, որը մոտավորապես 13 000 դոլար արժե, հնարավոր է սեռական անդամի երկարությունը եւ լայնությունը մեծացնել 5 սմ-ով:
Բժիշկ Էլիստը 35-ամյա ստաժով ուրոլոգ է, որին միշտ հետաքրքրել է տղամարդկանց մոտ սեռական դիսֆունկցիայի թեման: Ավելին, նա մեկն է այն բժիշկներից, որոնք առաջինն էին էրեկցիայի խնդիրը կապել ծխելու հետ:
«Կարելի է ինձ «մեղադրել» ծխախոտի վրա այն գրության համար, որն ասում է, թե ծխելն անկարողության է հանգեցնում», - ասել է նա:
Շատ տարիների ընթացքում բժիշկը վիրահատել է էրեկտիլ դիսֆունկցիայով տղամարդկանց եւ սեռական անդամի զարկերակներում պրոթեզներ է տեղադրել, ինչը պիտի բարելավեր դրանց արյան մատակարարումը եւ հետեւաբար` էրեկտիլ գործառույթները: Այդ պրոցեդուրայից հետո որոշ տղամարդիկ բողոքում էին, թե իրենց անդամները փոքրացել են, չնայած էրեկտիլ խնդիրներ արդեն չունեին: Հենց այդ ժամանակ բժիշկը գտավ այդ խնդրի լուծումը եւ սկսեց իր հիվանդների սեռական անդամի մեջ սիլիկոնային փափուկ իմպլանտներ տեղադրել:
Այդ իմպլանտները, ինչպես բացատրել է բժիշկը, ընդհանուր առմամբ նման են նրանց, որոնք օգտագործվում են կրծքի մեծացման համար: Ի տարբերություն կրծքի իմպլանտների, սեռական անդամի իմպլանտները լցված չեն ոչ սիլիկոնային գելով, ոչ աղային լուծույթով, դա ընդամենը փափուկ սիլիկոն է, որը 270 աստիճանի տակ ծածկում է սեռական անդամը եւ դրա ձեւն է ընդունում:
Բժիշկը 2002-ին արտոնագրել է իր գյուտը, իսկ դրա իմպլանտացիան սկսել է 2004-ին: Այդ ժամանակվանից իմպլանտների դիզայնը բարելավվել է, ինչպես եւ փոխվել են դրա ներդրման տեխնոլոգիաները: Այսօր իմպլանտը ներմուծվում են աճուկի հատվածում մի փոքրիկ կտրվածքի միջոցով` տեղային անզգայացման օգտագործմամբ:
Բժիշկն իր հիվանդներին իմպլանտների երեք չափ է առաջարկում` մեծ, շատ մեծ եւ հսկայական: Փոքրիկ կամ միջին իմպլանտներով, նրա խոսքով, ոչ ոք չի հետաքրքրվում: Սակայն իմպլանտի չափը կախված է նաեւ նրանից, թե արդյոք տղամարդու անդամը բավարար քանակությամբ «ավելորդ» կաշի ունի. եթե նրան թլպատել են եւ շատ կաշի են հեռացրել, բարդ կլինի մեծ իմպլանտի տեղադրումը:
Վերականգնման գործընթացը երկար չի տեւում. վիրահատության հաջորդ օրը հիվանդը կարող է վերադառնալ իր սովորական գործերին, սակայն վերսկսել սեռական կյանքը` ներառյալ ինքնաբավարարումը եւ օրալ սեքսը, հնարավոր է 4-6 շաբաթից ոչ շուտ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր