• Latest news

Տղայի համար 3D տպիչով նոր գանգ են տպել

19 նոյեմբերի, 2016  16:27

2014 թվականին 5-ամյա Թեդի Վարդը զբոսանքի ժամանակ սայթաքել եւ ընկել է բարձր ժայռից՝ լուրջ վնասվածք ստանալով. գանգի ձախ հատվածի ոսկորները փշրվել են: Երեխան ողջ է մնացել, բայց գանգի վերականգնման վիրահատությունը հաջողությամբ չի պսակվել: Թեդիին տուն են ուղարկել պաշտպանիչ սաղավարտով, որը նա ստիպված էր 24 ժամ կրել:

Տղայի մայրը՝ Լիզա Վարդը, պատմել է, որ որդին չափազանց աշխույժ երեխա էր, բայց վնասվածքի պատճառով չի կարողանում նույնիսկ ընկերներին հյուր գնալ: Թեդիի ընկերների ծնողները նույնպես վախենում էին տղային հյուր կանչել, քանի որ չէին ուզում պատասխանատվություն կրել առանց գանգի երեխայի համար:

Սակայն հիմա այս ամենն անցյալում է: Լոս Անջելեսի մանկական հիվանդանոցի բժիշկները երեխայի խնդրի լուծման ուղի են գտել: Նրանք տղայի համար արդյունաբերական պլաստիկից իմպլանտ են ստեղծել: Թեդիին բուժող բժիշկը՝ Մարկ Ուրատան, պատմել է, որ այս նյութն առանձնանում է ֆիզիկական հատկություններով, որոնք նման են ոսկրային հյուսվածքի հատկություններին:

Վիրահատությունն անցյալ ամիս է կատարվել եւ հաջողությամբ է ավարտվել: Հիմա Թեդի Վարդը կարող է խաղալ ընկերների հետ՝ չվախենալով գլխի համար: Նա կրկին նույնքան ակտիվ երեխա է դարձել, ինչպիսին ընկնելուց առաջ էր: Միակ սահմանափակումը վերաբերում է ֆուտբոլին. Թեդիին չի կարելի ֆուտբոլ խաղալ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է