• Latest news▼

Ցրված սկլերոզի 4 հնարավոր պատճառ

22 օգոստոսի, 2017  23:40

Ցրված սկլերոզը շարունակում է մնալ ամենահանելուկային հիվանդություններից մեկը. հիվանդության առաջացման ճշգրիտ պատճառները գիտությանը դեռեւս անհայտ են: Բրիտանական NHS Choices-ի մասնագետները հայտնել են հիվանդության մի շարք հնարավոր պատճառների մասին:

Գեներ

Ցրված սկլերոզը (ՑՍ) ժառանգական հիվանդություն չի համարվում, սակայն կարծիք կա, որ այն մարդկանց շրջանում, որոնք այս հիվանդությամբ ազգականներ ունեն, առաջացման հավանականությունը մեծ է: ՑՍ-ի դեպքերի մոտ 2-3 տոկոսն առաջանում է այս հիվանդությամբ տառապողի երեխայի կամ եղբոր/քրոջ մոտ:

Արեւի լույսի եւ D վիտամինի պակաս

Հյուսիսային երկրներում ցրված սկլերոզն ավելի տարածված է, քան հարավային երկրներում: Հնարավոր է՝ սա կապված է արեւի լույսի եւ D վիտամինի պակասի հետ: Սակայն դեռեւս հայտնի չէ՝ այս վիտամինի պարունակությամբ սննդային հավելումները կարո՞ղ են ՑՍ-ից պաշտպանություն ապահովել:

Ծխել

Ծխողները ցրված սկլերոզով 2 անգամ ավելի հաճախ են հիվանդանում, քան չծխող մարդիկ: Ի տարբերություն վտանգի այլ շատ գործոնների, մարդն այս գործոնի վրա կարող է ներգործել. ծխելուց հրաժարվելը ցանկացած դեպքում մարդու համար օգտակար կլինի:

Վիրուսային ինֆեկցիաներ

Տարածված կարծիքի համաձայն՝ որոշ վիրուսային ինֆեկցիաներ, օրինակ՝ Էփշթեյն Բարի վիրուսը, կարող են իմունային համակարգը գրգռել եւ որոշ հիվանդների մոտ նպաստել ցրված սկլերոզի առաջացմանը:

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է