ԱՆ–ն փակում է անպտուղ ընտանիքներին վերարտադրողական օգնության ծրագիրը

Հայաստանում անպտուղ ընտանիքներին վերարտադրողական օգնությունից ստիպված ենք հրաժարվել։ Այս մասին հոկտեմբերի 18-ին՝ ԱԺ–ում առողջապահության եւ սոցիալական հարցերի հանձնաժողովում 2018-ի պետբյուջեի քննարկման ժամանակ, ասել է ՀՀ առողջապահության փոխնախարար Սամվել Մարգարյանը։

2017 թվականին անզավակ զույգերին վերարտադրողական օգնության համար 78.6 մլն դրամ էր հատկացվել։ Իսկ ծրագրի արդյունքում ծնող էր դարձել միայն 6 զույգ։ Ստացվում է՝ ամեն երեխայի համար 12-13 մլն դրամ է ծախսվել։

«Իհարկե, թվերի վերափոխելն այստեղ միգուցե անտեղի է։ Եվ թող ոչ ոք չմտածի, թե մենք չենք ուզում, որ երեխաներ ծնվեն։ Պարզապես մեր բյուջեն սահմանափակ է, եւ դրանից ոչ մի տեղ չես փախչի։ Այդ պատճառով ավելի լավ է այդ գումարը ծախսել 100 ընտանիքի մոտ անպտղությունը կանխելու համար, քան օգնել 100-ից միայն մեկին»,– ասել է փոխնախարարը։

Բացի այդ, ծրագիրը փաստացի միշտ չէ, որ իրացվում է։ 2017-ի վեց ամիսների ընթացքում ծրագրից ծախսվել է միայն 5.4 մլն դրամ։

Հետևեք NEWS.am Medicine-ին Facebook-ում և Twitter-ում