• Latest news▼

Ամանորյա տոների ժամանակ Երեւանի շտապ օգնությունը 6582 կանչ է ստացել

9 հունվարի, 2018  13:41

2017 թվականի դեկտեմբերի 31-ից 2018-ի հունվարի 7-ը Երեւանի շտապ օգնությունը 6582 կանչ է ստացել՝ 466-ով ավելի, քան անցյալ տարի: Այս մասին լրագրողներին հայտնեց «Շտապ օգնություն» ՓԲԸ ղեկավար Թագուհի Ստեփանյանը:

Նա խոսքով՝  1208 հիվանդներ հոսպիտալացվել են ամանորյա տոներին, ինչը 18-ով քիչ է, քան 2016-ին: Տոնական օրերին գրանցվել է նաեւ 638 մանկական կանչ եւ 189 հոսպիտալացում:

Տոնական օրերին կանչերի հիմնական պատճառը սիրտ-անոթային հիվանդություններն էին, բարձր ջերմությամբ ուղեկցվող մրսածության հիվանդությունները, վնասվածքները: Եղել է նաեւ թունավորման 8 դեպք, որից 4-ը ալկոհոլային խմիչքների չարաշահման պատճառով: Անցյալ տարվա համեմատությամբ վնասվածքներն ավելի քիչ են եղել՝ 24 ընդդեմ 51-ի:

Ինչպես նշեց Թագուհի Ստեփանյանը, սովորական օրերին շտապ օգնությունը օրական մոտ 650 կանչ է ստանում, իսկ տոնական օրերին՝ 820-840: Սա, սակայն, կապված է ոչ այնքան այս օրերին հիվանդացածության աճով, որքան այն հանգամանքով, որ մարդիկ տոների ժամանակ նախընտրում են բժշկի չդիմել, այլ շտապ օգնություն կանչել, նույնիսկ եթե նրան անհանգստացնողը ՍՇՎ-ն է, որի բուժմամբ պետք է զբաղվի ընտանեկան բժիշկը, այլ ոչ թե շտապ օգնության բժիշկը:

Թագուհի Ստեփանյանի խոսքով՝ հունվարի 8-ից կանչերի թիվը սկսել է նվազել. երեկ եղել է 720 կանչ:

Հետևեք NEWS.am Medicine-ին Facebook-ում և Twitter-ում

Տպել   |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է