• Latest news

Ինտիմ հիգիենայի արտադրանքը կանանց առողջության համար վտանգավոր է. հետազոտություն

19 ապրիլի, 2018  23:48

Հեշտոցի ցնցուղման հետ կապված վտանգների մասին մասնագետներն արդեն վաղուց են խոսում: Սակայն մինչեւ վերջերս քիչ բան էր հայտնի այն մասին, թե կնոջ օրգանիզմի համար ինչ վտանգ է ներկայացնում ինտիմ հիգիենայի արտադրանքը: BMC Women’s Health ամսագրում հրապարակված հետազոտության մեջ նշվում է, որ նման արտադրանքի օգտագործումը կապված է ինֆեկցիաների մեծ վտանգի հետ:

Կանադայի University of Guelph-ի հոգեբանության պրոֆեսոր Կիրան Օ՛Դոերթին գործընկերների հետ հարցում է անցկացրել մինչեւ 18 ու ավելի մեծ տարիքի կանանց շրջանում եւ պարզել, որ հարցվածների 95 տոկոսը կյանքում գոնե մեկ անգամ օգտվել է ինտիմ հիգիենայի արտադրանքից (առանց դեղատոմսի վաճառվող ախտահանիչ գելեր, քորի դեմ քսուքներ, խոնավացնող քսուքներ, աերոզոլներ, խոնավ անձեռոցիկներ):

Ինտիմ հիգիենայի գել եւ խոնավ անձեռոցիկներ օգտագործող կանանց շրջանում 2,5 անգամ ավելի հաճախ է հանդիպում միզուղիների ինֆեկցիան, 8 անգամ ավելի հաճախ՝ հեշտոցային կանդիդոզը (կաթնախտ) եւ 20 անգամ ավելի հաճախ՝ բակտերիալ վագինոզը, որը հեշտոցի միկրոֆլորայի բնական հավասարակշռության խախտման դեպքում առաջանում է որոշակի բակտերիաների աճի հետեւանքով: Այսպիսով՝ ինտիմ հիգիենայի արտադրանքի օգտագործումը ոչ միայն չի օգնում առողջության պահպանմանը, այլեւ հակառակը՝ կարող է վնասել:

BC Women’s Hospital & Health Centrein Canada-ից բժիշկ Չելսի Էլվուդը կանանց կոչ է անում ինտիմ գելեր, քորի դեմ քսուքներ, խոնավ անձեռոցիկներ, ինչպես նաեւ մոմ կամ ածելի չօգտագործել:

Իսկ ինչպե՞ս է հնարավոր պահպանել ինտիմ օրգանների մաքրությունը եւ ազատվել անցանկալի հոտերից:

Բանն այն է, որ հեշտոցն ինքնամաքրման բնական մեխանիզմ է օգտագործում, այսպես կոչված, «լավ բակտերիաների» միջոցով: Առողջ հեշտոցի рН դիապազոնը կազմում է 3,5-ից մինչեւ 4,5, իսկ ինտիմ հիգիենայի միջոցները երբեմն կարող են այս մակարդակը խախտել: Մասնագետների խոսքով՝ սեռական օրգանի արտաքին հատվածները կարելի է լվանալ ջրով եւ փափուկ օճառով, իսկ հեշտոցը ներսից ոչ միայն պետք չէ լվանալ, այլեւ առողջության համար վնասակար է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է