• Latest news

Հայերը սկսել են ավելի ակտիվորեն ստուգվել ՄԻԱՎ-ի համար. Երեւանում մեկնարկել է ՄԻԱՎ-ի եւ հեպատիտի անվճար թեստերի շաբաթը (ֆոտո)

23 նոյեմբերի, 2018  18:18

Եթե նախկինում հայերը ամաչում էին ՄԻԱՎ վարակի եւ հեպատիտի թեստ հանձնել, ապա հիմա Երեւանում եւ մարզերում տարբեր ակցիաների ժամանակ աշխատող շարժական կլինիկայի մոտ հերթեր են գոյանում: NEWS.am Medicine-ի հետ զրույցում "Դրական մարդկանց հայկական ցանց" սոց. հասարակական կազմակերպության սոցիալական աշխատող Սվետլանա Հարությունյան նշեց, որ այժմ մարդիկ սկսել են ավելի ակտիվորեն ստուգվել ՄԻԱՎ-ի հայտնաբերման համար:

Այսօր՝ նոյեմբերի 23-ին Հայաստանում ՀՀ ԱՆ ՁԻԱՀ-ի կանխարգելման հանրապետական կենտրոն եւ "Դրական մարդկանց հայկական ցանց" սոց. հասարակական կազմակերպության նախաձեռնությամբ մեկնարկել է ՄԻԱՎ-ի եւ հեպատիտ B-ի եւ C-ի հետազոտության անվճար շաբաթը:

Նոյեմբերի 23-ին շարժական կլինիկան, որտեղ հնարավոր է 10-15 րոպեի ընթացքում իմանալ վարակված ես արդյոք ՄԻԱՎ-ով կամ հեպատիտ B-ով եւ C-ով, աշխատում է 13։00-ից մինչեւ 18:30, Հյուիսային պողոտայում: Այստեղ բոլոր ցանկացողները կարող են անվճար եւ անանուն պարզ թեստ հանձնել, որը 99 տոկոս ճշգրտությամբ կասի՝ արդյոք մարդու մոտ կա ՄԻԱՎ կամ հեպատիտներ: Անալիզի համար արյունը մատից են վերցնում եւ արդյունքը մի քանի րոպեից պատրաստ է լինմում:

Մեկ շաբաթվա ընթացքում շարժական կլինիկան նաեւ մարզեր կայցելի՝ Գեղարքունիք, Շիրակ, Արմավիր, որտեղ մարդիկ կկարողնան նաեւ անվճար իմանալ իրենց կարգավիճակը:

Հիշեցնենք, որ 2018 թվականի հոկտեմբերի 31-ի դրությամբ Հայաստանում, 1988 թվականից, հանրապետության քաղաքացիների շրջանում հայտնաբերվել է 3269 ՄԻԱՎ վարակի դեպք, որոնցից 361-ը ընթացիկ տարվա ընթացքում: Այնուամենայնիվ, ենթադրվում է, որ ՄԻԱՎ-ով ապրող մարդիկ իրականում մի քանի անգամ ավելի շատ են, պարզապես շատ մարդիկ դեռ չգիտեն, որ վարակված են:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է