• Latest news

Դիաբետիկների համար ծխելուց հրաժարվելու օգուտներն ավելի շատ են, քան գիրանալու վնասները. հետազոտություն

8 մարտի, 2019  11:47

Դիաբետիկներին կարելի է եւ պետք է ծխելուց հրաժարվել, նույնիսկ եթե այդ պատճառով մի փոքր գիրանան, պնդում են Բոստոնի Թ. Չանի անվան հանրային առողջության Հարվարդի դպրոցի գիտնականները:

Վերլուծելով դիաբետով 10 895 տղամարդկանց եւ կանանց մասնակցությամբ 2 հետազոտությունների ժամանակ ստացված տեղեկությունները՝ նրանք պարզել են, որ ցանկացած դեպքում ծխելուց հրաժարվելու օգուտներն ավելի շատ են, քան գիրանալու վնասները:

Շատերը ծխելուց հրաժարվելու դեպքում իսկապես գիրանում են: Ընդ որում, ինչպես ցույց են տալիս նախորդ հետազոտությունները, ավելի արագ են գիրանում նրանք, ովքեր ծխախոտից հրաժարվելու պահին արդեն իսկ քաշի հետ կապված խնդիրներ ունեին: Գիտնականները պարզել են, որ մարմնի ավելցուկային զանգվածով ծխողների քաշը ծխելուց հրաժարվելուց հետո ավելանում է լրացուցիչ մինչեւ 10 կիլոգրամով: Նման ավելացումը կարող է դիաբետի զարգացմանը նպաստող լուրջ գործոն դառնալ:

Նոր հետազոտության հեղինակներն ուսումնասիրել են, թե արդյոք ծխելուց հրաժարվելն արդյունքում մարդու համար վտանգավոր կլինի՞, եթե հաշվի առնվեն հնարավոր գիրանալու հետ կապված ռիսկերը: Արդյունքում նրանք հանգել են այն եզրակացության, որ ծխելուց հրաժարվելը սիրտ-անոթային համակարգի համար այնպիսի կազդուրիչ էֆեկտ է ունենում, որ անգամ քաշ հավաքելը չի կարող այն չեզոքացնել:

Հետազոտության հեղինակների խոսքով՝ եթե դիաբետիկները ծխելուց հրաժարվել են 6 տարուց քիչ ժամանակ առաջ, բայց չեն գիրացել, նրանց շրջանում կաթվածների եւ սրտի նոպաների հավանականությունը 34 տոկոսով ցածր է նրանց համեմատությամբ, ովքեր շարունակում են ծխել: Նրանց շրջանում, ովքեր ծխելուց հրաժարվել են 6 տարուց ավելի ժամանակ առաջ, համանման հավանականությունը նվազում է 25 տոկոսով: Նրանց շրջանում, ովքեր ծխելուց հրաժարվելուց հետո մինչեւ 5 կգ գիրացել են, սիրտ-անոթային հիվանդությունների զարգացման հավանականության մեծացում տեղի չի ունեցել: Եվ վերջապես՝ այն դիաբետիկների շրջանում, ովքեր երբեք չեն ծխել, սրտի եւ անոթների հետ կապված խնդիրների առաջացման հավանականությունը 41 տոկոսով ցածր է:

Այսպիսով, դիաբետով մարդկանց միանշանակ խորհուրդ է տրվում ծխելը թողնել՝ չվախենալով ավելորդ քաշ հավաքելուց: Դե իսկ չգիրանալու համար խորհուրդ է տրվում ճիշտ սնվել եւ սպորտով զբաղվել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է